2 Samuel 22:29 - Motingʼo Loko Manyien

²⁹ In e tacha, yaye Jehova Nyasaye Jehova Nyasaye loko mudho momaka bedo ler.

MUMA MALER 2015

²⁹ A Ruoth Nyasaye, in e tacha. In e Nyasacha ma menyona mudho.

2 Samuel 22:29 ပူးပေါင်းရင်းမြစ်များ

2 Samuel 21:17

To Abishai wuod Zeruya nobiro moreso Daudi mi nogoyo ja-Filistia monego. Eka jolweny mag Daudi nosingorene kawacho niya, “Ok inichak iwuog kodwa kidhi e lweny, nikech dipo ka tach Israel otho.”

1 Ruodhi 11:36

Abiro miyo wuode dhoot achiel mondo Daudi jatichna obed gi taya e nyima ndalo duto e Jerusalem, dala maduongʼ mane ayiero mondo aketie Nyinga.

Ayub 29:3

ka en koda kuonde duto kendo ka lerne ne menyona kuonde motimo mudho mane awuothe!

Zaburi 112:4

Ngʼama ngimane oriere ler rienyne kata gotieno, ngʼat mangʼwon, ma kecho ji kendo makare.

Zaburi 18:28

In ema imiyo tacha siko kaliel, yaye Jehova Nyasaye; Nyasacha loko mudho mouma doko ler.

Zaburi 27:1

Jehova Nyasaye e lerna kendo e warruokna; en ngʼa ma daluor? Jehova Nyasaye e kama ngimana opondoe. En ngʼa ma dibwoga?

Zaburi 4:6

Ji mangʼeny penjo niya, “En ngʼa manyalo timonwa gimoro maber?” Mad ler moa e lela wangʼi rieny kuomwa, yaye Jehova Nyasaye.

Zaburi 84:11

Nimar Jehova Nyasaye en chiengʼ kendo en okumba; Jehova Nyasaye chiwo ngʼwono gi duongʼ; ok otuon joma wuodhgi oriere tir gimoro amora maber.

Zaburi 97:11

Joma kare imenyonegi ler; joma oriere gie chunygi imiyo mor.

Isaya 50:10

En ngʼatno e dieru moluoro Jehova Nyasaye kendo mako weche jatichne? Weuru ngʼat mawuotho e mudho kaonge ler ogen kuom nying Jehova Nyasaye kendo osud machiegni gi Nyasache.

Mika 7:9

Nikech aseketho e nyim Jehova Nyasaye ayie tingʼo mirimbe, nyaka chop oket kwayona kare, mi oyud ni aonge ketho. Obiro kela e ler mi ane adierane.

Malaki 4:2

To un muluoro nyinga, tekona nopilre kuomu ka wangʼ chiengʼ makelo ler mi changu gi bwombene. Kendo unuwuog oko ka ulengʼoru gi ilo ka nyiroye moyawnegi dho abila.

Johana 12:46

Asebiro e piny kaka ler, mondo ngʼato angʼata moyie kuoma kik sik e mudho.

Johana 8:12

Yesu nochako owuoyo kodgi, kowacho niya, “An e ler mar piny, ngʼato angʼata ma luwa ok nyal wuotho e mudho, to enobed gi ler mar ngima.”

Fweny 21:23

Dalano ok dwar chiengʼ kata dwe mondo orienyne, nikech duongʼ Nyasaye ema miye ler, kendo Nyarombo e tache.