2 Samuel 20:23 - Motingʼo Loko Manyien

²³ Joab ne jatend jolweny Israel duto; ka Benaya wuod Jehoyada to ne otelo ne jolwenj jo-Kereth kod jo-Peleth.

MUMA MALER 2015

²³ Koro Joab ne jatend jolweny duto, to Benaya wuod Jehoyada ne jatend jolweny mowak ma jo-Kereth gi jo-Peleth.

2 Samuel 20:23 ပူးပေါင်းရင်းမြစ်များ

2 Samuel 20:7

Omiyo jo-Joab gi jo-Kereth gi jo-Peleth kod jolweny mathuondi duto nowuok kotelnegi gi Abishai. Ne giwuok Jerusalem mondo gilaw Sheba wuod Bikri.

2 Samuel 23:20

Benaya wuod Jehoyada ne jalweny mathuon moa Kabzel, notimo timbe madongo. Nonego ji ariyo mag Moab mane ger ka sibuor. Chiengʼ moro nodonjo e bur ka piny otimo pe mi onego sibuor.

2 Samuel 8:15

Daudi nobedo ruodh jo-Israel duto, kotimo maber kendo makare ni joge duto.

1 Ruodhi 1:7

Adonija noloso gi Joab wuod Zeruya kod Abiathar jadolo mine gimiye lwedo.

1 Ruodhi 1:8

To Zadok jadolo gi Benaya wuod Jehoyada gi Nathan janabi gi Shimei gi Rei gi jarit Daudi ne ok oriwore gi Adonija.

1 Ruodhi 4:1

Kamano ruoth Solomon nobedo ruodh Israel duto.

2 Ruodhi 11:4

E higa mar abiriyo Jehoyada nooro jotend lweny mag migepe mag ji mia achiel, jo-Kari kod jorit, mokelgi ire ei hekalu mar Jehova Nyasaye. Ne otimo singruok kodgi mi oketogi gikwongʼore e hekalu mar Jehova Nyasaye. Bangʼ mano nokelo wuod ruoth mondo gingʼeye.