2 Samuel 17:16 - Motingʼo Loko Manyien

¹⁶ Koro oruru wach piyo piyo mondo unyis Daudi ni, ‘Kik inindi e dho wath manie thim; to nyaka ingʼadi idhi loka machielo nono to ruoth gi joma ni kode notieki.’ ”

MUMA MALER 2015

¹⁶ Bang’e nomedo wacho niya, “Koro oruru wach piyo, kunyiso Daudi ni, gotienoni kik obwor kar yoro aora manie thim, to oidh loka piyo, nimar dipo ka onege gi joge duto.”

2 Samuel 17:16 ပူးပေါင်းရင်းမြစ်များ

2 Samuel 15:14

Eka Daudi nowachone jodonge duto mane ni kode Jerusalem niya, “Biuru! Nyaka to waring waa ka, ka ok kamano onge ngʼato kuomwa mabiro tony e lwet Abisalom. Nyaka wawuog mapiyo, nono to enobi mapiyo mojukwa mi otiekwa kendo oneg ji e dala maduongʼ gi ligangla.”

2 Samuel 15:28

Abiro rito kama iyoroe aora e thim nyaka ayud wach moa iri kinyisago gima dhi nyime.

2 Samuel 15:35

Donge jodolo ma gin Zadok gi Abiathar jodhi bedo kodi kuno? Wachnegi gimoro amora miwinjo e dala ruoth.

Zaburi 35:25

Kik iwe giwach e chunygi niya, “Ero, otimorene mana kaka ne wadwaro.” Kata giwach niya, “Koro wasemuonye ngili.”

Zaburi 55:8

dine areto adhi nyaka kara mar pondo, kuma ni mabor gi apaka kod ahiti.”

Zaburi 56:2

Joketh nyinga lawa odiechiengʼ duto; ji mangʼeny monja ka sunga omakogi.

Zaburi 57:3

Ooro wach gie polo kendo oresa, kokwero joma lawa gi tekregi duto; Sela Nyasaye oro herane gi adiera mare.

1 Jo-Korintho 15:54

Kuom mano, ka ringruok matow oserwakore gi mano ma ok tow, kendo mano matho oserwakore gi mano ma ok tho, eka wach mondiki nochop kare, niya, “Tho oselo motiek chuth.”

2 Jo-Korintho 5:4

Nikech kapod wadak e kiruni, to wachur gi pek modiyowa, to mano ok onyiso ni wadwaro weyo ringruok mawan-goni, to wagombo rwakore gi ringruok manyien mar polo, mondo gima ok tho omwony mano matho.

1 Samuel 20:38

Eka nokok kowacho niya, “Reti! Dhi piyo! Kik ichungʼ!” Wuowino nokwanyo asereno mi odok ir ruodhe.