2 Samuel 16:2 - Motingʼo Loko Manyien

² Ruoth nopenjo Ziba niya, “Angʼo momiyo ikelo gigi?” Ziba nodwoke niya, “Pundegi gin ma jood ruoth nyalo idho, makati gi olembe to gin mar jogi mondo ocham, divai to en mar duogo chuny joma ool e thim mondo omadhi.”

MUMA MALER 2015

² Ruoth nopenjo Ziba niya, “Marang’o ikelo gigi?” Ziba nodwoke niya, “Akelo kenje mondo jood ruoth oidhi, kendo makati gi olembe mondo jolweny ocham, to divai mondo joma nong’no ohewo e thim omadhi.”

2 Samuel 16:2 ပူးပေါင်းရင်းမြစ်များ

Chakruok 21:29

kendo Abimelek nopenjo Ibrahim niya, “Ere tiend rombe ma sibini abiriyo ma isewalogi?”

Chakruok 33:8

Esau nopenjo niya, “Kweth maduongʼ mane aromogo cha tiendgi angʼo?” Jakobo nodwoke niya, “Ne aorogi mondo gibi gi kwana ngʼwono kuom ruodha.”

2 Samuel 15:1

Bangʼ kinde moko, Abisalom nongʼiewo gari gi farese kendo ne en gi ji piero abich mane ringo e nyime.

2 Samuel 15:23

Ji duto mane ni kama gikadhoe noywak matek ka jogo duto kadho. Ruoth bende ne ongʼado Holo mar Kidron kendo ji duto nowuotho kochomo yo thim.

2 Samuel 17:29

mor kich gi chak mopoto, rombe, cha dhiangʼ mopoto mongʼin ni Daudi gi joge mondo ocham. Nimar negiwacho niya, “Jogi osebedo mool kendo riyo ohewogi e thim.”

2 Samuel 19:26

Nodwoke niya, “Ruodha ma en ruoth, nikech jatichni en rangʼol, ne awacho ni, ‘Abiro ikoni pundana mondo otingʼa adhi gi ruoth.’ To Ziba ma jatija nondhoga.

Ezekiel 37:18

“Ka jou openji ni, ‘Donge inyalo nyiswae tiend wachni?’

Jong’ad Bura 10:4

Ne en-gi yawuowi piero adek mane nigi punde piero adek mane giidho. Negitelone mier piero adek man Gilead, manyaka kawuononi pod iluongo ni Havoth Jair.

Jong’ad Bura 5:10

“Un joma oidho punde marochere, kobedo e matandiko molos gi ongede, kendo un joma wuotho e wangʼ yo, winjuru,

1 Samuel 14:28

Eka achiel kuom jolweny nowachone niya, “Wuoru nokwero jolweny matek gi kwongʼ kowacho ni, ‘Okwongʼ ngʼama ochamo chiemo kawuono! Mano ema omiyo ji ool.’ ”

1 Samuel 25:27

Yie mondo michni, ma jatichni osekelo ni ruodha, mondo omi joma luwi.