2 Samuel 15:31 - Motingʼo Loko Manyien

³¹ Nonwangʼo ka Daudi osenyisi niya, “Ahithofel en achiel kuom jo-andhoga mane oriwore gi Abisalom.” Omiyo Daudi nolemo niya, “Yaye Jehova Nyasaye, lok ngʼado rieko mar Ahithofel obed fuwo.”

MUMA MALER 2015

³¹ Nonyis Daudi ni Ahithofel en achiel kuom joma odok ni Absalom, mi nowacho niya, “A Ruoth Nyasaye, asayi, lok rieko mar Ahithofel mondo obed mana fuwo!”

2 Samuel 15:31 ပူးပေါင်းရင်းမြစ်များ

2 Samuel 15:12

Kane Abisalom timo misengini, nooro joote mondo oom Ahithofel ma ja-Gilon, jangʼad rieko ni Daudi mondo obi koa Gilo, ma dalagi. Omiyo tim mar ngʼanyo nomedo bedo gi teko, kendo ji mane luwo bangʼ Abisalom nosiko ka medore.

2 Samuel 16:23

E ndalono rieko mane Ahithofel ngʼado nechalo mana ka ngʼat mopenjo Nyasaye wach. Mano e kaka Daudi gi Abisalom ne okawo rieko ma Ahithofel ne chiwo.

2 Samuel 17:14

Abisalom kod ji duto mag Israel nowacho niya, “Rieko mar Hushai ja-Arki ber moloyo mar Ahithofel.” Nimar Jehova Nyasaye noramo ni nyaka oroch rieko maber mane Ahithofel ongʼado mondo okelni Abisalom masira.

2 Samuel 17:23

Kane Ahithofel oneno ni rieko mane ongʼado ok oluw, noidho pundane modok dalagi e ode. Noloso weche mag ode; bangʼe ne odere. Omiyo notho moike e bur wuon mare.

2 Samuel 17:5

To Abisalom nowacho niya, “Luonguru Hushai ja-Arki, mondo en bende wawinj gima owacho.”

2 Samuel 17:7

Hushai nodwoko Abisalom niya, “Rieko ma Ahithofel ongʼado kawuononi ok ber.

Ayub 5:12

Oketho chenro mar joma paro timo timbe mamono mondo omi gik ma giparogo kik timre.

Zaburi 109:3

Gilwora koni gi koni gi weche mag achaya; gibuka maonge gima omiyo.

Zaburi 3:1

Yaye Jehova Nyasaye, mano kaka wasika thoth! Mano kaka joma lawa ngʼeny!

Zaburi 41:9

Koda ka osiepna mane ageno kuome, ngʼat mane chiemo koda, bende osendhoga.

Zaburi 55:10

Odiechiengʼ gotieno gilwenyo kor ohinga mare; himruok gi ayany ni e iye.

Zaburi 55:12

Ka dine ok obedo malichna ka dine ngʼat ma ok dwara ema ogarna, to dine apondone.

Isaya 19:3

Chuny jo-Misri nonyosre kendo anaketh gik moko duto ma gichano timo; ginidwar wach kuom nyiseche mopa kod lang chunje mane osetho, ajuoke kod nyakalondo.

Isaya 44:25

oketho ranyisi mag jonabi mariambo kendo miyo joma neno gik moko nenore mofuwo, bende odwoko weche jomariek chien mi ginere gik maonge tich,

Johana 13:18

Yesu nomedo wuoyo kodgi niya, “Ok awuo kuomu un uduto, nimar angʼeyo joma aseyiero. To mano osetimore mondo ochop Ndiko mawacho ni, ‘Ngʼat machiemo koda bende osendhoga.’

1 Jo-Korintho 1:20

Ere ngʼama jarieko? Ere japuonj chik? Ere jatwak molony moloyo e pinyni? Donge Nyasaye osemiyo rieko mar pinyni odoko fuwo?

Jakobo 3:15

Rieko machal kamano ok oa e polo, to en mar piny kendo ok okony chuny dhano, en rieko jachien.