2 Samuel 14:1 - Motingʼo Loko Manyien

¹ Joab wuod Zeruya nongʼeyo ni chuny ruoth gombo Abisalom.

MUMA MALER 2015

¹ Joab wuod Zeruya noneno ni chuny ruoth dwaro Absalom.

2 Samuel 14:1 ပူးပေါင်းရင်းမြစ်များ

2 Samuel 13:39

Eka chuny ruoth nogombo neno Abisalom, nimar chunye nosea e wach tho mar Amnon.

2 Samuel 14:2

Omiyo Joab nooro ngʼat moro Tekoa mi okelne dhako moro mariek koa kuno. Nowachone niya, “Wuondri ni ikuyo. Rwak lep ywak kendo kik iwirri gi mo del. Chal ka dhako mosebet ka ywago ngʼate motho kuom ndalo mangʼeny.

2 Samuel 18:33

Ruoth nobwok motetni. Noidho malo e ot man ewi rangach mi oywak. Noywak kowacho niya, “Yaye wuoda Abisalom, wuoda, wuoda Abisalom! Onego an ema ne atho kari, yaye Abisalom wuoda, wuoda!”

2 Samuel 19:2

Loch machiengʼno nolokore ywak ni jolweny, nikech migepe mag jolweny, nowinjo kiwacho niya, “Ruoth okuyo nikech tho wuode.”

2 Samuel 19:4

To ruoth noumo wangʼe, koywak matek niya, “Yaye Abisalom wuoda! Yaye Abisalom wuoda, wuoda!”

2 Samuel 2:18

Yawuot Zeruya adek ne gin Joab, Abishai gi Asahel. Koro Asahel ne tiende yot e ngʼwech mana ka mwanda.

1 Weche mag Ndalo 2:16

Nyiminegi ne Zeruya kod Abigael. Yawuot Zeruya adek ne gin Abishai, Joab kod Asahel.

Ngeche 29:26

Ji mangʼeny dwaro mondo girom gi ruoth, to en mana kuom Jehova Nyasaye ema adiera yudoree.