2 Samuel 13:5 - Motingʼo Loko Manyien

⁵ Jonadab nowachone niya, “Dhiyo inind e kitanda ka iwuondri ni ituo. Ka wuonu obiro neni, to wachne ni, ‘Daher mondo nyamera ma Tamar obi omiya gimoro acham. Yie mondo obi otedna chiemo kaneno mondo mi anene kaka otedo; kendo acham chiemo kotingʼo e lwete.’ ”

MUMA MALER 2015

⁵ Mi Jonadab nowachone niya, “Dhi inind e kitandani, kiwuondori ni ituo. To ka wuoru obiro mondo oneni, to ikwaye niya, ‘Yie mondo Tamar nyamera obi, omiya chiemo. To iyiene mondo olos chiemono e nyima ka, kaneno, kendo achiem koting’ona chiemo e lwete.’ ”

2 Samuel 13:5 ပူးပေါင်းရင်းမြစ်များ

2 Samuel 13:4

Nopenjo Amnon niya, “Yaye wuod ruoth, angʼo momiyo inenori mokuyo pile ka pile? Ok diwachna gima timi?” Amnon nodwoke niya, “Ahero Tamar ma nyamin owadwa Abisalom.”

2 Samuel 13:6

Omiyo Amnon nonindo kowuondore ni otuo. Kane ruoth obiro nene, Amnon nowachone niya, “Daher mondo nyamera ma Tamar obi olosna makati moro mopogore gi mapile kaneno, mondo mi achame kotingʼe e lwete.”

2 Samuel 16:21

Ahithofel nodwoke niya, “Terri gi monde wuonu mamoko mane oweyo karito dala ruoth. Eka jo-Israel nowinj kaka isebedo mangʼwe e um wuonu, kendo ji duto man kodi nobed gi teko.”

Ngeche 19:27

Kidagi chiko iti ne puonj in wuoda, to ibiro bayo mabor kuom weche mag ngʼeyo.

Tich Joote 23:15

Kuom mano, un kod jobuch Sanhedrin kwauru jatend jolweny maduongʼ mondo okelnugo e nyimu, ka uwuondoru ni udwaro medo nono wachne maber. Waikore mar nege kapok ochopo ka.”