2 Samuel 12:5 - Motingʼo Loko Manyien

⁵ Mirima malich ne omako Daudi gi ngʼatno mowachone Nathan niya, “Akwongʼora gi nying Jehova Nyasaye mangima ni ngʼat mane otimo kama owinjore otho!

MUMA MALER 2015

⁵ Kane Daudi owinjo wachno, mirima nomake ahinya gi japithno. Nowacho ni Nathan niya, “Gi nying Ruoth Nyasaye, ng’at mosetimo kamano owinjore gi tho!

2 Samuel 12:5 ပူးပေါင်းရင်းမြစ်များ

Chakruok 38:24

Bangʼ dweche adek Juda noyudo wach niya, “Tamar chi wuode tim chode osemiyo wichkuot kendo kuom mano koro en gi ich.” Juda nowacho niya, “Goleuru oko kendo uwangʼe nyaka otho!”

2 Samuel 12:4

“Koro jawuoth moro nobiro ir jamoko-cha, to jamokono ne ok okawo achiel kuom rombe kata dhoge mondo oyangʼ ni jawuodhno mane obiro ireno. Kata kamano, nyarombo ma sibini mar jadhierno ema noyangʼone wendo mane obiro ire.”

2 Samuel 14:8

Ruoth nowacho ni dhakoni niya, “Dhi dala, kendo abiro golo chik e wachnino.”

Luka 9:55

To Yesu nolokore, mokwerogi.

Jo-Rumi 2:1

Omiyo in bende ok initony, in mingʼado bura ni ngʼat machielo, nikech gima ingʼadonego ngʼat machielo burano ema bura loyigo iwuon, nikech in mingʼado bura bende itimo gik machalre gi gima otimo.

1 Samuel 14:39

Adieri gi nying Jehova Nyasaye ma reso Israel, kata ka en wuoda Jonathan ema wachni omako to nyaka otho.” To onge ngʼat machielo mane owuoyo.

1 Samuel 20:31

Ka wuod Jesse pod ngima e pinyni to in kata pinyruodhi ok nyal gurore. Koro or wach mondo okelnago nikech nyaka otho!”

1 Samuel 26:16

Gima isetimo ok ber. Akwongʼora gi nying Jehova Nyasaye mangima ni in kod jogi uwinjoru gi tho, nikech ne ok urito ruodhu ma ngʼat Jehova Nyasaye mowir. Ranguru anena, ere tongʼ mar ruoth gi puga mar pi mane nitiere machiegni gi wiye?”