2 Samuel 12:19 - Motingʼo Loko Manyien

¹⁹ Daudi noneno ka jotije kuodho wach kendgi mine ongʼeyo ni nyathi osetho. Nopenjo niya, “Nyathi osetho?” Negidwoke niya, “Ee, osetho.”

MUMA MALER 2015

¹⁹ To kane Daudi oneno jotichne ka kuodho wach kendgi, nofwenyo ni kara nyathi osetho. Omiyo nopenjogi niya, “Kara nyathi osetho?” Ne gidwoke ni, “Ee, osetho.”

2 Samuel 12:19 ပူးပေါင်းရင်းမြစ်များ

2 Samuel 12:18

To chiengʼ mar abiriyo nyathi notho, jotij Daudi ne luor nyise ni nyathi osetho, nikech negiparo niya, “Kane nyathi pod ngima, ne wawuoyo gi Daudi to ne ok owinjowa. Koro to wadhi wacho ne nangʼo ka nyathi osetho? Onyalo timo gimoro marach.”

2 Samuel 12:20

Daudi noa malo e lowo. Kane oseluokore, nowirore gi mo moloko lewni mane orwako, nodhi e od Jehova Nyasaye mi olemo. Bangʼe nodhi e ode owuon, mine okwayo chiemo momiye mochamo.

2 Samuel 13:39

Eka chuny ruoth nogombo neno Abisalom, nimar chunye nosea e wach tho mar Amnon.

1 Jo-Thesalonika 4:13

Jowetewa, ok wadwar mondo ubed ka ukia gima timore ne joma osetho, kata mondo ubed gi kuyo ka joma moko, maonge gi geno.