2 Samuel 11:13 - Motingʼo Loko Manyien

¹³ Daudi noluonge mochiemo mi ometho kode kendo Daudi nomiye math momer. To kotieno nochopo Uria nowuok modhi onindo e pare kaachiel gi jotij ruodhe; to ne ok odhi ode.

MUMA MALER 2015

¹³ Daudi noluonge mondo gichiem, mi nohoye mometho nyaka omer. To kane piny ochido, Uria nowuok, modhi onindo mana kama jorit ruoth ne nitie, to ne ok odhi e ode.

2 Samuel 11:13 ပူးပေါင်းရင်းမြစ်များ

2 Samuel 11:9

To Uria nonindo e dhorangach mar dala gi jotich mamoko mag ruoth to ne ok olor odhi e ode.

2 Samuel 13:26

Eka Abisalom nowacho niya, “Kare ka kamano to we owadwa Amnon odhi kodwa.” To ruoth nopenje niya, “Angʼo momiyo dodhi kodu?”

Wuok 32:21

Nopenjo Harun niya, “Angʼo mane jogi otimoni momiyo irwakogi e richo maduongʼ kamano?”

Ngeche 20:1

Divai en jajaro to kongʼo en koko; ngʼat motelne kodgi onge rieko.

Ngeche 23:29

En ngʼa man-gi masira? En ngʼa man-gi lit? En ngʼa man-gi lweny? En ngʼa man-gi ngʼur? En ngʼa man-gi adhonde ma ok owinjore? En ngʼa man-gi wangʼ makwar motimo remo?

Habakuk 2:15

“Enone malit ngʼat mamiyo jobathe math, ka omedogi ameda nyaka gimer, mondo one dug-gi.