2 Ruodhi 9:21 - Motingʼo Loko Manyien

²¹ Joram nogolo chik niya, “Ikna gacha.” To kane giseikone gache, Joram ruodh Israel kod Ahazia ruodh Juda noriembo gechegi, ka ngʼato ka ngʼato ni e gache owuon mondo girom gi Jehu. Negiromo kode e puodho mane mar Naboth ja-Jezreel.

MUMA MALER 2015

²¹ Joram nowacho ni joge mondo oikne gache, mi ne gitimo kamano. Eka Joram ruodh Israel, kod Ahazia ruodh Juda, ne jowuok gi gechegi, ka dhi romo ni Jehu, mi ne giromo kode e puoth Naboth ja-Jezreel.

2 Ruodhi 9:21 ပူးပေါင်းရင်းမြစ်များ

1 Ruodhi 20:14

To Ahab nopenjo niya, “To en ngʼatno mabiro timo mano?” To janabi nodwoke niya, “Ma e gima Jehova Nyasaye wacho: ‘Rowere ma jolweny mag jotend lweny mar gwenge ema biro timo mani.’ ” Nopenjo niya, “En ngʼa mabiro chako lweny?” To janabi nodwoke niya, “In ema ibiro timo kamano.”

2 Weche mag Ndalo 22:7

To Nyasaye nosechano mondo otiek Ahazia kodhi limo Joram. Kane Ahazia ochopo negidhi gi Joram mondo girom gi Jehu wuod Nimshi mane Jehova Nyasaye osewiro mondo otiek dhood Ahab.

Mika 1:13

Un joma odak Lakish tweuru fareseu e gecheu mag lweny. Un ema ne umiyo nyar Sayun odonjo e richo, nikech timbe jo-Israel maricho noa kuomu.

Kwan 20:14

Musa nooro joote moa Kadesh ir ruodh Edom, kowacho kama: “Ma e gima owadu Israel wacho: Ingʼeyo tije matek duto ma wasebedo godo.