2 Ruodhi 6:5 - Motingʼo Loko Manyien

⁵ To kane achiel kuomgi ne tongʼo yien, leye nolwar e pi. Noywak niya, “Yaye ruodha, korka ne en le mokwa!”

MUMA MALER 2015

⁵ To kane oyudo ng’at moro tong’o yien, wi leye nolwar e pi, mi noywak kowacho niya, “Ruoth, hapa rach, nikech en le ma aholo.”

2 Ruodhi 6:5 ပူးပေါင်းရင်းမြစ်များ

2 Ruodhi 3:10

Ruodh Israel nopenjore niya, “Angʼo matimoreni! Jehova Nyasaye osekelowa ka ruodhi adekgi duto mondo ochiw-wa e lwet Moab?”

2 Ruodhi 4:7

Dhakono nodhi ir ngʼat Nyasaye mowachone gima osetimore. Eka ngʼat Nyasaye nowachone niya, “Dhiyo mondo ilok modhigo pesa kendo ichulgo gope ma in-go. In kod yawuoti unyalo konyoru gi mago modongʼ.”

2 Ruodhi 6:15

Kane jatich ngʼat Nyasaye ochiewo mo mondo kiny gokinyi, jolweny man-gi farese kod geche lweny ne oseluoro dala maduongʼno. Jatich nopenjo niya, “Yaye, ruodha, wabiro timore nade?”

2 Ruodhi 6:4

Kuom mano nodhi kodgi. Negidhi Jordan ma gichako tongʼo yien.

2 Ruodhi 6:6

Ngʼat Nyasaye nopenje niya, Ne olwar gi kanye? Kane onyise kama ne olwarie, Elisha nongʼado luth, monyume kanyo kendo wi le nolewore.

Zaburi 37:21

Joma timbegi richo holo ji gik moko to ok chul, to joma kare to chiwo gi ngʼwono;

Eklesiastes 10:10

Ka le dik kendo lewe ok opiagi, to nyaka oti kode gi teko mathoth eka obar yien, kuom mano chan gik moko chon kapod ok itimo.

Isaya 10:34

Obiro ngʼado bunge moyugno kod le; bende Lebanon biro podho e nyim, Nyasaye Maratego.

Fweny 18:10

Ginichungʼ mabor ka giluoro sandne kendo ka giywak niya, “ ‘To mano kaka lit! To mano kaka lit! Yaye dala maduongʼ. Yaye Babulon, dala maduongʼ man-gi teko! Kethruokni osechoponi kuom sa achiel kende!’ ”

Fweny 18:16

kendo goyo nduru kagiwacho niya: “ ‘Mano kaka lit! Mano kaka lit, yaye dala maduongʼ, morwakore gi lewni mayom kod lewni marep-rep gi makwar, mapakni gi dhahabu gi kite mabeyo ma nengogi tek kod lulu!

Fweny 18:19

Ginibuk wigi gi buru ka gigoyo nduru niya, “ ‘Mano kaka lit! Mano kaka lit, yaye dala maduongʼ, kama ji duto mane nigi yiedhi e nam, nobedo joma omewo nikech mwandune. Mano kaka osekethe kendo otieke chutho mana kuom sa achiel kende!’