2 Ruodhi 6:29 - Motingʼo Loko Manyien

²⁹ Omiyo ne watedo wuoda kendo wachamo. Kinyne ne awachone niya, In bende gol wuodi mi wacham, kare en to nosepando wuode.

MUMA MALER 2015

²⁹ Omiyo ne watedo wuoda, mwachamo. To kinyne kane awachone ni mondo ochiw wuode wacham, to nayudo kosepande.”

2 Ruodhi 6:29 ပူးပေါင်းရင်းမြစ်များ

1 Ruodhi 3:26

Eka dhako mane wuode ngima nokecho wuode mowacho ni ruoth niya, “Kiyie ruodha, miye nyathino mangimano! Kik inege!” To dhako machielo nowacho niya, “An kata in ok noyud nyathino. Ngʼade nyadiriyo!”

Isaya 49:15

“To bende dhako wiye diwil gi nyathi modhodho mi ok obedo gi kech e kothe mane onywolo. Kata ka dipo ni wiye nyalo wil, An to wiya ok nowil kodi.

Isaya 66:13

Mana kaka miyo hoyo nyathine, e kaka abiro hoyou; kendo noho chunyu e Jerusalem.”

Ywagruok 4:10

Mon madhoth notedo nyithindgi giwegi, mobedo chiembgi ka joga ne inego itieko.

Tim jo-Lawi 26:27

Kobedo ni pod ok udwogo ira kata bangʼ timonu magi duto, kendo udhi mana nyime gi wich teko,

Tim jo-Lawi 26:29

Unucham ring yawuotu kod nyiwu.

Rapar mar Chik 28:52

Ginitim agengʼa ne miechu madongo duto nyaka kuonde mochiel motingʼore gi malo ma uketo genou kuomgi lwar. Ginikethi mier madongo e piny duto ma Jehova Nyasaye ma Nyasachu miyou.

Rapar mar Chik 28:53

Nikech chandruok maniyudi ka wasiki okeloni ka in e twech, nucham nyaka nyithindu munywolo, ma gin ringre yawuotu kod nyiu ma Jehova Nyasaye ma Nyasachu osemiyou.

Rapar mar Chik 28:57

Notamre pogonegi kata mana bieche owuon bangʼ nywol, nimar oparo mondo ochamgi lingʼ-lingʼ e ndalo ma wasiku nogonu agengʼa ka masira olworo miechu madongo.