2 Ruodhi 4:27 - Motingʼo Loko Manyien

²⁷ To kane ochopo ir ngʼat Nyasaye e got, nopodho e tiende, Gehazi ne obiro gole kanyo, to ngʼat Nyasaye nokwero Gehazi niya, Weye! En kod lit e chunye, makmana Jehova Nyasaye osepandona wachni kendo ok osenyisa gima omiyo.

MUMA MALER 2015

²⁷ Kane ochopo e got, nodhi ir ng’at Nyasaye, momako tiende, Gehazi nosudo mondo ogole, to ng’at Nyasaye nowachone niya, “Weye, nimar chunye chandore malit, to Ruoth Nyasaye osepandona wachne, mak onyisa.”

2 Ruodhi 4:27 ပူးပေါင်းရင်းမြစ်များ

Chakruok 18:17

Eka Jehova Nyasaye nowacho niya, “Bende dapand ne Ibrahim gima adwaro timo?

2 Samuel 7:3

Nathan nodwoko ruoth niya, “Gimoro amora manie pachi, to dhi nyime mondo itim, nikech Jehova Nyasaye ni kodi.”

2 Ruodhi 4:25

Eka nodhi motundo ir ngʼat Nyasaye e got Karmel. Kane onene gichien kobiro, ngʼat Nyasaye ne okone jatichne ma Gehazi niya, “Ne! Chi Shunam cha biro!

2 Ruodhi 4:26

Ringi idhi iromne mondo ipenje ni, ‘Bende in kare? Chwori bende nikare? To nyathi nikare?’ ” Dhakono nodwoke niya, “Gik moko duto nikare.”

2 Ruodhi 6:12

Achiel kuom jodonge nowacho niya, “Ruodha onge ngʼatwa moro makonye, makmana Elisha janabi man Israel ema nyiso ruodh Israel gik moko duto miwacho kata ka in e odi mar nindo.”

Ayub 10:1

“Aol gi ngima; mano emomiyo ok abi lingʼ ma ok awuoyo, to abiro wacho lit duto manie chunya.

Ngeche 14:10

Chuny ka chuny ongʼeyo litne owuon, to onge ngʼato machielo manyalo bedo e mor ma en-go.

Ngeche 18:14

Chuny ngʼato sire e tuo, to chuny mool, en ngʼa manyalo konyo?

Amos 3:7

Adier, onge gima Jehova Nyasaye Manyalo Gik Moko Duto nyalo timo e dala ma ok ofwenyo, ne jotichne ma jonabi.

Mathayo 15:23

To Yesu ne ok odwoke kata wach achiel. Omiyo jopuonjre nobiro ire mojiwe niya, “Riembe odhi, nikech osiko kogoyo koko bangʼwa.”

Mathayo 20:31

Oganda nokwerogi monyisogi ni gilingʼ, to gin koro eka negimedo kok matek moloyo niya, “Ruoth, Wuod Daudi, yie ikechwa!”

Mathayo 28:9

To apoya nono Yesu norado kodgi, mowachonegi niya, “Misawauru.” Kendo negisudo bute mi gimoko e tiendene, kendo gilame.

Mariko 10:13

Ji ne kelo nyithindo matindo ir Yesu mondo ogwedhgi, to jopuonjre nokwerogi.

Mariko 14:6

To Yesu nodwokogi niya, “Weyeuru mos. Uchande nangʼo? Osetimona gima ber miwuoro.

Luka 7:38

kendo nochungʼ e toke, but tiende, pi wangʼe nolwar e tiendene ma gitimo pi eka noyweyogi gi yie wiye, monyodhogi kendo noolo mo mangʼwe ngʼar kuomgi.

Johana 15:15

Koro ok achak aluongu ni wasumbini nikech misumba ok ongʼeyo gima ruodhe timo; to aluongou ni osiepena nimar asenyisou gik moko duto mane apuonjora kuom Wuora.

Johana 4:27

E sechego jopuonjrene noduogo, kendo ne giwuoro kane giyude kowuoyo gi dhako. To onge ngʼama nopenjo niya, “Angʼo midwaro kuom dhakoni?” kata niya, “Iwuoyo kode nangʼo?”

1 Samuel 1:10

Nikech Hana ne nigi chuny malit noywak ahinya kolamo Jehova Nyasaye.