2 Ruodhi 4:10 - Motingʼo Loko Manyien

¹⁰ Wagerne ot moro ewi odwa ka mondo waketne kitanda, mesa, kom kod taya mondo oyweye e kinde duto ma obiro ka.”

MUMA MALER 2015

¹⁰ Wachuogne ot moro matin ewi tado, kendo waketnee kitanda gi mesa gi kom kod taya, mondo pile kobiro limowa to oyue kanyo.”

2 Ruodhi 4:10 ပူးပေါင်းရင်းမြစ်များ

1 Ruodhi 17:19

Elija nodwoke niya, “Miya wuodi.” Nokawe koa e lwete motingʼe nyaka ei ot mamalo mane odakie mopiele e kitandane.

2 Ruodhi 4:11

Chiengʼ moro achiel kane Elisha obiro, nodhi e ot mane oselosne cha, kendo nonindo koyweyo kanyo.

Isaya 32:8

To ngʼat mogen loso weche mabeyo kendo kuom timbe makare miyo ochungʼ motegno.

Mathayo 25:40

“To Ruoth nodwokgi ni, ‘Awachonu adier ni, gimoro amora mane utimo ne achiel kuom owetenagi matinie mogik, ne utimona.’

Mariko 9:41

Awachonu adier ni ngʼato angʼata mamiyou pi e okombe e nyinga, nikech un jo-Kristo pokne ok nobaye ngangʼ.

Luka 8:3

Joana chi Chuza, mane jatelo e od Herode gi Susana kod mon mamoko mathoth. Mon-gi nekonyogi ka gichiwonegi gigegi giwegi.

Jo-Rumi 12:13

Poguru giu gi jo-Nyasaye mochando. Beduru joma ohero rwako welo.

Jo-Hibrania 10:24

Ngʼato ka ngʼato mondo opar kaka dojiw nyawadgi omed bedo gihera kod timbe mabeyo.

Jo-Hibrania 13:2

Kik uwe mak urwako welo e uteu, nikech jomoko kuom timo kamano oserwako koda ka malaike ka ok gingʼeyo.