2 Ruodhi 20:6 - Motingʼo Loko Manyien

⁶ Abiro medi ngima moromo higni apar gabich kendo abiro resi kaachiel gi dala maduongʼni e lwet ruodh Asuria. Abiro rito dala maduongʼni nikech nyinga kod nying Daudi jatichna.’ ”

MUMA MALER 2015

⁶ Abiro medi ndalo moromo higni apar gabich, bende abiro resi kaachiel gi dala Jerusalem e lwet ruodh Asuria, kendo abiro rito dalani nikech nyinga, kendo nikech Daudi jatichna.’ ”

2 Ruodhi 20:6 ပူးပေါင်းရင်းမြစ်များ

2 Ruodhi 19:34

Abiro kedone dala maduongʼni, kendo rese; nikech nyinga kod nying Daudi jatichna.’ ”

2 Ruodhi 20:7

Eka Isaya nowacho niya, “Swag ngʼowu.” Negitimo kamano mi gimuone kama ne bur okuodono, bangʼe nochango.

2 Weche mag Ndalo 32:22

Kamano e kaka Jehova Nyasaye noreso Hezekia kod jo-Jerusalem motony e lwet Senakerib ruodh Asuria kendo e lwet ruodhi mamoko bende. Omiyo Jehova Nyasaye noritogi kuom pinje duto mane olworogi.

Zaburi 116:15

Tho mar nyithind Nyasaye en gima ber miwuoro e nyim Jehova Nyasaye.

Isaya 10:24

Kuom mano, ma e gima Ruoth Nyasaye ma en Jehova Nyasaye Maratego wacho: “Yaye un joga modak Sayun, kik ubed maluor nikech jo-Asuria, kata obedo ni gichwadou gi ludhegi kendo gigoyou gi rungegi kaka jo-Misri ne timo.

Isaya 37:35

“Abiro kedone dala maduongʼni kendo rese, nikech nyinga kod nying Daudi jatichna!”

Tich Joote 27:24

mowachona ni, ‘Kik iluor Paulo, ibiro chopo nyaka nyim Kaisar mi yali kuno, nikech Nyasaye osemiyi kuom ngʼwonone, ngima ji duto makwangʼ kodi.’