2 Ruodhi 2:21 - Motingʼo Loko Manyien

²¹ Bangʼ mano nowuok modhi e sokono mokiro chumbi e iye kowacho niya, “Ma e gima Jehova Nyasaye wacho: ‘Aseloso pigni obedo maber. Ok nochak okel tho kata weyo piny ma ok omew.’ ”

MUMA MALER 2015

²¹ Eka nodhi e soko, moboloe kado, kowacho niya, “Ruoth Nyasaye owachoo kama: Aseloso pigni maber; chakre kawuono ok nokel tho, kendo ok nomon piny chiek.”

2 Ruodhi 2:21 ပူးပေါင်းရင်းမြစ်များ

2 Ruodhi 2:20

Ne owachonegi niya, “Kelnauru bakul manyien kendo uket chumbi e iye.” Omiyo negitimo kamano.

2 Ruodhi 2:22

Kendo pigno osesiko ka ber nyaka chil kawuono kaluwore gi wach mane Elisha owacho.

2 Ruodhi 4:41

Elisha nowacho niya, “Keluru mogo matin.” Kendo kane okiro mogono e agulu nowacho niya, “Koro tokeuru ne ji mondo ochame.” Bangʼ mano koro ne onge gima kech ei agulu.

2 Ruodhi 6:6

Ngʼat Nyasaye nopenje niya, Ne olwar gi kanye? Kane onyise kama ne olwarie, Elisha nongʼado luth, monyume kanyo kendo wi le nolewore.

Tim jo-Lawi 2:13

To chiwo duto mag cham mondo ituonie chumbi. Kik iwe mak ituone chumbi e misengini magi duto mag mogo kaka nisingori ni Nyasachi; mano emomiyo chumbi nyaka tuonie misengini duto mutimo.

Mathayo 5:11

“Un joma ogwedhi ka ji yanyou kendo sandou kendo hangonu wach ni usetimo kit gik maricho duto nikech an.

Mariko 9:50

“Chumbi ber, to ka ndhathe orumo to ere kaka dichak imi obed gi ndhathe kendo? Beduru ka ndhath chumbi un uwegi, kendo beduru gi kwe ngʼato gi ngʼato.”

Johana 9:6

Kane osewacho kamano, nongʼudho olawo piny, mi olosogo chwodho, kaeto oketo e wangʼ ngʼatno.

Fweny 21:4

Enoywe pi wengegi duto. Tho kata ywak gi nduru kod rem ok nochak obedie kendo ngangʼ, nikech gik machon oserumo.”