2 Ruodhi 19:20 - Motingʼo Loko Manyien

²⁰ Eka Isaya wuod Amoz ne ooro wach ne Hezekia kama: “Ma e gima Jehova Nyasaye, ma Nyasach Israel wacho: Asewinjo lamoni kuom Senakerib ruodh Asuria.

MUMA MALER 2015

²⁰ Eka Isaya wuod Amoz nooro ni Hezekia wach niya, “Ruoth Nyasaye ma Nyasach Israel owacho ni osewinjo lemo mikwayego nikech wach ma Senakerib ruodh Asuria osesiemigo,

2 Ruodhi 19:20 ပူးပေါင်းရင်းမြစ်များ

2 Samuel 15:31

Nonwangʼo ka Daudi osenyisi niya, “Ahithofel en achiel kuom jo-andhoga mane oriwore gi Abisalom.” Omiyo Daudi nolemo niya, “Yaye Jehova Nyasaye, lok ngʼado rieko mar Ahithofel obed fuwo.”

2 Samuel 17:23

Kane Ahithofel oneno ni rieko mane ongʼado ok oluw, noidho pundane modok dalagi e ode. Noloso weche mag ode; bangʼe ne odere. Omiyo notho moike e bur wuon mare.

2 Ruodhi 18:13

E higa mar apar gangʼwen mar loch Ruoth Hezekia, Senakerib ruodh Asuria nomonjo mier madongo duto mochiel motegno mag Juda mokawogi.

2 Ruodhi 20:5

“Dhi mondo inyis Hezekia ma jatend joga ni, ‘Ma e gima Jehova Nyasaye ma Nyasach Daudi kwaru wacho: Asewinjo lemoni kendo aseneno pi wangʼi omiyo abiro changi. E odiechiengʼ mar adek kochakore sani, ibiro dhi e hekalu mar Jehova Nyasaye.

Ayub 22:27

Inilame kendo enowinji, kendo inichop singruok duto mane itimo.

Zaburi 50:15

kendo luongauru e kinde ma un e chandruok; to abiro resou e chandruokugo, eka ubiro miya duongʼ.”

Zaburi 65:2

Yaye in miwinjo lamo, in ema ji duto biro biro iri.

Zaburi 65:3

Kane richowa turowa, iweyonwa kethowa.

Isaya 58:9

Omiyo iniluong Jehova Nyasaye kendo nodwoki; iniywagne mondo okonyi kendo nokoni ni: Eri antie. “Ka uweyo sando ji kendo uweyo achaya kod weche mag oyiem,

Isaya 65:24

Abiro dwokogi kata kapok giluonga, kendo abiro winjogi kata kapok giwuoyo.

Jeremia 33:3

‘Bi ira, kendo anaduoki, kendo ananyisi gik madongo ma ok ingʼeyo.’

Johana 11:42

Angʼeyo bende ni isebedo kiwinja ndalo duto, to asewacho wechegi mondo joma ochungʼ ka oyud konyruok, kendo mondo giyie nine iora adier.”

Tich Joote 10:31

‘Kornelio, lemoni kod timbene mag ngʼwono mikonyogo joma odhier osechopo e nyim Nyasaye, omiyo osepari.

Tich Joote 10:4

Kornelio nongʼiyo malaikano ka luoro omake, eka noyiene niya, “Iwacho nangʼo, Ruoth?” Malaika nodwoke niya, “Lemoni kod timbeni mag ngʼwono mikonyogo joma odhier osechopo e nyim Nyasaye kaka misango omiyo osepari.