2 Ruodhi 18:5 - Motingʼo Loko Manyien

⁵ Hezekia ne ogeno kuom Jehova Nyasaye ma Nyasach Israel. Ne onge ngʼama osechalo kode e dier ruodhi duto mag Juda, bedni negisebedo e loch chon kata bangʼe.

MUMA MALER 2015

⁵ Hezekia nogeno Ruoth Nyasaye ma Nyasach Israel, kendo onge ruoth moro machal kode kuom ruodhi duto mag Juda,

2 Ruodhi 18:5 ပူးပေါင်းရင်းမြစ်များ

2 Ruodhi 18:19

Jatend lweny nowachonegi niya, “Wachneuru Hezekia kama: “ ‘Ma e gima ruoth maduongʼ ma ruodh Asuria wacho: En kama nade miketoe genoni momiyo in-gi chir kama?

2 Ruodhi 19:10

“Wachne Hezekia ruodh Juda kama: Kik iyie nyasaye migeno kuomeno wuondi kowacho ni, ‘Jerusalem ok nochiw e lwet ruodh Asuria.’

2 Ruodhi 23:25

Onge ruoth moro kata achiel mane odwogo ir Jehova Nyasaye kaluwore gi chike duto mag Musa gi chunye duto gi ngimane duto kod tekone duto machalo gi Josia.

2 Weche mag Ndalo 14:11

Eka Asa noywak ne Jehova Nyasaye ma Nyasache kowacho niya, “Jehova Nyasaye, onge ngʼato moro machalo kodi manyalo konyo joma nyap kuom joma roteke makmana in. Yie ikonywa nikech wageno kuomi yaye Jehova Nyasaye ma Nyasachwa kendo wabiro rado gi jolweny mangʼenygi nikech Nyingi. Yaye Jehova Nyasaye in Nyasachwa kik iwe dhano adhana loyi.”

2 Weche mag Ndalo 20:20

Gokinyi mangʼich negiwuok gidhi e piny Tekoa motwo. Kane giwuok Jehoshafat nochungʼ kawacho niya, “Chikuru itu un jo-Juda kod joma odak Jerusalem! Beduru kod geno kuom Jehova Nyasaye ma Nyasachu eka unukuwo, bende yieuru gi jonabi mage eka unulo.”

2 Weche mag Ndalo 20:35

Bangʼe Jehoshafat ruodh Juda notimo winjruok kod Ahazia ruodh Israel manongʼadne bura nikech timbene maricho.

Ayub 13:15

Kata ka onega, to pod abiro keto genona kuome; omiyo pod abiro mana wacho wechena e nyime.

Zaburi 13:5

Anto ageno kuom herani mosiko; chunya oil kuom warruok mari.

Zaburi 84:12

Yaye Jehova Nyasaye Maratego, ngʼama ogeno kuomi ogwedhi.

Isaya 36:7

To ka uwachona niya, “Wan waketo genowa kuom Jehova Nyasaye ma Nyasachwa” to donge en ema kuondene motingʼore malo kod kendene mag misango Hezekia nogolo kowachone jo-Juda gi jo-Jerusalem niya, “Nyaka ulam mana e nyim kendo mar misangoni kende”?

Isaya 38:3

“Yaye Jehova Nyasaye, parie kaka asewuotho e nyimi gi adiera kod chuny modimbore kendo asetimo gigo makare e nyim wangʼi.” Bangʼe Hezekia noywak malit.

Mathayo 27:43

Ogeno kuom Nyasaye; Nyasaye koro okonye ane sani ka odware adier, nimar ne owachoga ni, ‘An Wuod Nyasaye,’  ”

Jo-Efeso 1:12

mondo mi wan mane wakwongo geno kuom Kristo, wadag ngima mamiyo ipako duongʼne maler.