2 Ruodhi 17:35 - Motingʼo Loko Manyien

³⁵ Kane Jehova Nyasaye otimo singruok gi jo-Israel, to nochikogi kama: “Kik ulam nyiseche mamoko kata kulorunegi, tiyonegi kata timonegi misango.

MUMA MALER 2015

³⁵ Ruoth Nyasaye nosetimo kodgi singruok, kawachonigi niya, “Kik ulam nyiseche mamoko, kata kik ukulrunigi. Kim utinigi, kata kik utimnigi misango.

2 Ruodhi 17:35 ပူးပေါင်းရင်းမြစ်များ

2 Ruodhi 17:15

Ne gidagi winjo buchene kod chikene mane otimo gi kweregi to gi siem mane omiyogi, negiluwo nyiseche maonge tich, ma gin bende gibedo ji manono. Negidonjo e kit timbe ogendini mane odak e diergi, kata obedo ni Jehova Nyasaye nosekwerogi ni kik gitim kaka gitimo kendo negitimo gik mane Jehova Nyasaye nokwerogi mondo kik gitim.

Wuok 20:3

“Kik ubed gi nyiseche mamoko e nyima.

Jeremia 10:5

Mana kaka gima ibwogogo gik moko e puothe mag budho, e kaka nyisechegi manonogo ok nyal wuoyo; nyaka tingʼ-gi nikech ok ginyal wuotho. Kik uluorgi; ok ginyal hinyou kata timonu gima ber.”

Jeremia 25:6

Kik ulu bangʼ nyiseche manono mondo utinegi kendo ulamgi; kik umi mirima maka gi gik ma lwetu oseloso. Eka ok anahinyu.”

Rapar mar Chik 5:2

Jehova Nyasaye ma Nyasachwa notimo kodwa singruok e got Horeb.

Rapar mar Chik 5:9

Kik ukulrunegi piny; bende kik ulamgi, nimar an Jehova Nyasaye ma Nyasachu, an Nyasaye ma janyiego kendo akumo nyithindo nikech richo mar wuonegi chakre tiengʼ mar adek nyaka mar angʼwen mar jogo mamon koda,

Rapar mar Chik 6:14

Kik uluw nyiseche mamoko ma gin nyiseche joma odak e dieru;

Joshua 23:16

Ka uketho singruok mane kindu gi Jehova Nyasaye ma Nyasachu, mane ochikou, kendo mi udhi ma utiyo ne nyiseche manono kukulorunegi, to mirimb Nyasaye biro olore kuomu, kendo ubiro lal nono piyo e piny maber ma osemiyouni.”

Joshua 23:7

Kik uriwru gi ogendini modongʼ e dieru, kik uluong nying nyisechegi kata kik ukwongʼru gi nying-gi. Kik utinegi kata kik ukulrunegi.

Jong’ad Bura 6:10

Ne awachonu niya, ‘An Jehova Nyasaye ma Nyasachu; kik ulam nyiseche jo-Amor, makoro udak e pinygi.’ To pod ok udewo winja.”