2 Ruodhi 17:12 - Motingʼo Loko Manyien

¹² Negilamo nyiseche manono, kata obedo ni Jehova Nyasaye nowachonegi niya, “Kik utim kamano.”

MUMA MALER 2015

¹² Ne gilamo nyiseche manono mane Ruoth Nyasaye okwerogi ni kik gilam.

2 Ruodhi 17:12 ပူးပေါင်းရင်းမြစ်များ

1 Ruodhi 21:26

Timbene ne richoe moloyo koluwo bangʼ nyiseche mamoko, mana kaka jo-Amor mane Jehova Nyasaye oriembo e nyim jo-Israel.

2 Ruodhi 17:11

Kamoro amora motingʼore gi malo ne giwangʼoe ubani mangʼwe ngʼar, mana kaka pinjeruodhi mane Jehova Nyasaye oseriembo kuomgi ne timo. Negitimo timbe maricho mane omiyo Jehova Nyasaye mirima.

2 Ruodhi 17:40

To kata kamano, ne ok gidewo chikego, to negisiko mana ka gitimo timbegi machon.

Wuok 20:2

“An e Jehova Nyasaye ma Nyasachu mane ogolou e piny Misri, ka uwuok e piny mane unie wasumbini.

Wuok 34:14

Kik ulam nyasaye moro amora nikech Jehova Nyasaye en Nyasaye ma janyiego.

Ezekiel 20:28

Kane akelogi e piny mane asingora ni anamigi, to kane gineno wi thur moro amora gi yien moloth to negitimo misenginigi kanyo, kendo negigolo chiwo mag-gi mane ochiewo mirimba, kendo ne giwangʼo ubani madungʼ tik mangʼwe ngʼar kendo gipuko misangogi miolo piny.

Tim jo-Lawi 26:1

Kik ulos kido moro amora mopa kata chungo siro moro milamo bende kidi moro amora mopa kik yud e pinyu kukulorune kulame. An e Jehova Nyasaye ma Nyasachu.

Rapar mar Chik 12:4

Kik ulam Jehova Nyasaye ma Nyasachu e yo ma gilamogo nyiseche manono.

Joshua 23:7

Kik uriwru gi ogendini modongʼ e dieru, kik uluong nying nyisechegi kata kik ukwongʼru gi nying-gi. Kik utinegi kata kik ukulrunegi.