2 Ruodhi 13:14 - Motingʼo Loko Manyien

¹⁴ Kane Elisha tuo gi tuo mane biro nege, Jehoash ruodh Israel nodhi nene moywage niya, “Wuora! Wuora isebedonwa kaka geche lweny kod joidh farese mag Israel!”

MUMA MALER 2015

¹⁴ Kane Elisha tuo gi tuo mane biro nege, noyudo Jehoash ruodh Israel osedhi nene, moywage ni, “Wuora! Wuora! Isebedonwa kaka geche lweny gi joidh farese mag Israel.”

2 Ruodhi 13:14 ပူးပေါင်းရင်းမြစ်များ

Chakruok 48:1

Bangʼ kinde moko Josef nowinjo wach ni wuon mare tuo, kuom mano nokawo yawuote ariyo Manase kod Efraim mondo odhi onene.

Chakruok 49:33

Kane Jakobo osetieko wacho wechegi ni yawuote kamano nodwoko tiende e kitanda, mi chunye nochot kendo noluwo kwerene.

Chakruok 50:1

Josef nogore kuom wuon-gi kendo noywak kuome monyodhe.

2 Ruodhi 13:12

To kuom weche duto mane ondiki e ndalo loch Jehoash; gi gik moko duto mane otimo, kod teko mane okedogo gi Amazia ruodh Juda, donge ondikgi e kitepe mag weche ruodhi mag Israel?

2 Ruodhi 13:13

Jehoash nonindo moyweyo gi kwerene kendo Jeroboam nobedo ruoth kare. Jehoash noiki e piny Samaria gi ruodhi mag Israel.

2 Ruodhi 13:15

Eka Elisha nowachone niya, “Kaw atungʼ kod aserni moko,” kendo notimo kamano.

2 Ruodhi 2:12

Elisha noneno mi noywak niya, “Yaye Wuora, aneno geche mag Israel kod joidh farese mag-gi.” Elisha ne ok ochako oneno Elija kendo nokawo lepe owuon moyiecho.

2 Ruodhi 20:1

E ndalogo Hezekia nobedo matuo kendo nohewore. Janabi Isaya wuod Amoz nodhi ire mowachone niya, “Ma e gima Jehova Nyasaye wacho: Los weche mag dalani maber nikech ndaloni mar tho ochopo kendo ok inichangi.”

2 Ruodhi 6:21

Kane ruodh Israel onenogi nopenjo Elisha niya, Wuora, anyalo negogi?

Zaburi 12:1

Kony ji yaye Jehova Nyasaye, nikech joma oluoro Nyasaye koro onge; joma jo-adiera oserumo e dier ji.

Ngeche 11:11

Gweth mar joma kare kelo pak ne dala, to kuom dho joricho dala kethore.

Isaya 57:1

Joma kare tho, to onge ngʼama wachno chando e chunye, joma ogeno kuom Nyasaye bende tho, to onge ngʼama dewo kendo joma kare igolo mondo kik richo yudgi.

Ezekiel 14:14

to kata dine bed ni ji adekgi ema bedie, Nowa, Daniel kod Ayub to digires mana ngimagi giwegi nikech timbegi makare, Jehova Nyasaye Manyalo Gik Moko Duto osewacho.

Ezekiel 22:30

“Ne amanyo ngʼato moro e diergi mane nyalo gero ohinga kendo mane nyalo chungʼ e nyima kaka ogayi mochungʼne piny, mondo kik akethe, to ne ok ayudo ngʼato.

Zekaria 1:5

Bende kwereugo gi jonabi pod ngima nyaka sani?

Mariko 6:20

nikech Herode ne oluoro Johana kendo ne ok odwar ni ngʼato ohinye, nikech nokawe kaka ngʼama kare kendo maler. Kinde ka kinde ka Herode nowinjo yalo Johana to dhoge ne moko; to pod nogombo mana mondo omed winjo yalone.

Johana 11:3

Omiyo nyimine Lazaro nooro wach ni Yesu niya, “Ruoth, osiepni mihero tuo.”

Tich Joote 13:36

“Nimar kane Daudi osetimo dwaro Nyasaye e ndalone, to notho moike kama noyike kwerene, mi ringre notowo,

Jo-Filipi 2:26

Osegombo mondo oneu ahinya, kendo chunye chandore nikech nuwinjo ni notuo ahinya.