2 Ruodhi 12:13 - Motingʼo Loko Manyien

¹³ Pesa mane okel e hekalu ne ok otigo kuom loso tewni mag fedha gi gik mingʼadogo otambi mar teyni, kod tewni, kod bakunde mag kiro remo, kaachiel gi turumbete kod gik moko duto mag dhahabu gi fedha mar hekalu mar Jehova Nyasaye,

MUMA MALER 2015

¹³ To nyilerni mag fedha, gi rangis teyni, kod tewni gi tunge, kod gik moko mag fedha kata mag dhahabu ne ok olos gi pesa mane okel e Od Ruoth Nyasaye,

2 Ruodhi 12:13 ပူးပေါင်းရင်းမြစ်များ

2 Ruodhi 12:14

to pesano notigo kuom chulo jotich mane loso kuonde mane omukore e hekalu.

2 Weche mag Ndalo 24:14

Kane gisetieko, negikelo pesa mane odongʼ ne ruoth kod Jehoyada mi negiloso gik moko mitiyogo e lemo ei hekalu mar Jehova Nyasaye kaka: gik mitiyogo e misango miwangʼo pep kaachiel gi dise to gi gik mamoko molos gi dhahabu kod fedha. Negitimo misengini miwangʼo pep mapile pile e hekalu mar Jehova Nyasaye kinde duto ka Jehoyada pod ngima.

Ezra 3:7

Eka negichiwo pesa ne jogedo kod funde bao, kendo gichiwo chiemo gi math gi mo ne jo-Sidon gi jo-Turo, mondo omi gikel sirni mag sida koluwo nam koa Lebanon nyaka Jopa, kaluwore gi thuolo mane ochiw gi Sairas ruodh Pasia.

Wuok 25:38

Gima ingʼadogo otambi kod kama otambino betie nyaka los gi dhahabu maler.

Kwan 10:2

Los turumbete ariyo mag fedha mothedhi, kendo ti kodgi kuom choko oganda duto kanyakla mondo mi gichak wuoth.