2 Ruodhi 11:9 - Motingʼo Loko Manyien

⁹ Jotend ji mia achiel mane ni e migepe adekgo notimo mana kaka Jehoyada jadolo nochikogi. Jatend migawo ka migawo nokawo joge mane dhi tich chiengʼ Sabato to gi mago mane onego oywe, mi giduto negidhi ir Jehoyada jadolo.

MUMA MALER 2015

⁹ Jotend askeche notimo duto mane Jehoyada jadolo ochikogi. Ng’ato ka ng’ato kuomgi nokelo askeche duto mane onego oa e tich chieng’ Sabato, kaachiel gi mago mane onego ochak tich chieng’no.

2 Ruodhi 11:9 ပူးပေါင်းရင်းမြစ်များ

2 Samuel 8:18

Benaya wuod Jehoyada ne jatend jo-Kereth gi jo-Peleth; to yawuot Daudi to ne jangʼad rieko mar joka ruoth.

2 Ruodhi 11:4

E higa mar abiriyo Jehoyada nooro jotend lweny mag migepe mag ji mia achiel, jo-Kari kod jorit, mokelgi ire ei hekalu mar Jehova Nyasaye. Ne otimo singruok kodgi mi oketogi gikwongʼore e hekalu mar Jehova Nyasaye. Bangʼ mano nokelo wuod ruoth mondo gingʼeye.

1 Weche mag Ndalo 26:26

Shelomith gi wedene to nochungʼne keno duto mag gik mane Ruoth Daudi owalo gi jotend dhoudi mane gin jotend jolweny alufe kod jotend jolweny miche to gi jotend jolweny mamoko.

2 Weche mag Ndalo 23:8

Jo-Lawi gi jo-Juda notimo kaka Jehoyada jadolo nochikogi. Jatend migawo ka migawo nokawo joge mane dhi tich chiengʼ Sabato to gi mago mane onego oywe, nikech Jehoyada ne ok omiyo migepe mamokogi thuolo.