2 Ruodhi 11:16 - Motingʼo Loko Manyien

¹⁶ Omiyo negimake kane ochopo kama farese donjogo e dala ruoth kendo kanyo ema ne onege.

MUMA MALER 2015

¹⁶ Omiyo ne gimake, kendo ne gigole ka giluwo dhorangach mane farese donjogo e dala ruoth, mi ne ginege kanyo.

2 Ruodhi 11:16 ပူးပေါင်းရင်းမြစ်များ

Chakruok 9:6

“Ngʼato angʼata mochwero remb dhano, en bende nyaka rembe chwer koa e lwet dhano; nikech e kit Nyasaye nochweyo dhano.

2 Ruodhi 11:15

Jehoyada jadolo nogolo chik ne jotend lweny morito migepe mag jolweny mia achiel-ka, ma bende ne gin jotend jolweny kowachonegi niya, “Keleuru e dierwa ka kendo neguru ngʼato angʼata maluwe.” Nimar jadolo nosewacho niya, “Dhakono ok onego negi ei hekalu mar Jehova Nyasaye.”

2 Weche mag Ndalo 23:15

Omiyo negimake kane ochopo e dhorangaj Farese e kar od ruoth kendo kanyo ema neginege.

Nehemia 3:28

Koa e Dhoranga Faras, jodolo nogedo kanyo, moro ka moro e nyim ode owuon.

Jeremia 31:40

Holono duto mopongʼ gi ringre joma otho kendo kama ipuke buru, kod kuonde duto mokuny duto, nodhi e Holo mar Kidron man yo wuok chiengʼ mochopo nyaka e kona ma Dhoranga Faras, nobed maler ne Jehova Nyasaye. Dala maduongʼni ok nomuki kata kethi.”

Tim jo-Lawi 24:17

“ ‘Ngʼato angʼata monego wadgi, en bende nyaka nege.

Mathayo 7:2

Nimar kaka ungʼado ne ji mamoko bura e kaka ibiro ngʼadnu bura un bende, nimar rapim mupimogo ema ibiro pimnugo un bende.

Jakobo 2:13

nikech nongʼad bura maonge kech ni ngʼato angʼata maonge kech. To kech loyo ngʼado bura.

Jong’ad Bura 1:7

Eka Adoni-Bezek nowacho niya, “Ruodhi piero abiriyo ma lith lwetegi mathuon kod lith tiendegi mathuon osengʼad oko osebedo ka chamo ngʼinjo e bwo mesana. Koro Nyasaye osechula kuom gigo mane atimonegi.” Negikele Jerusalem, kendo notho kanyo.