2 Ruodhi 10:31 - Motingʼo Loko Manyien

³¹ Kata kamano Jehu ne ok oritore kuom mako chike Jehova Nyasaye ma Nyasach Israel gi chunye duto. Bende ne ok olokore e richo Jeroboam, mane omiyo jo-Israel otimo.

MUMA MALER 2015

³¹ To Jehu ne ok odewo rito chik Ruoth Nyasaye ma Nyasach Israel gi chunye duto. Nomedo timo richo mane Jeroboam omiyo jo-Israel otimo.

2 Ruodhi 10:31 ပူးပေါင်းရင်းမြစ်များ

1 Ruodhi 14:16

Nojwangʼ Israel nikech richo mane Jeroboam otimo kendo mosemiyo Israel otimo.”

1 Ruodhi 2:4

eka Jehova Nyasaye nyalo rito singruokne mane omiya ni, Ka nyikwayi onono kaka gidak kendo ka giwuotho gi adiera e nyima gi chunygi duto kod parogi duto to ok nibedi maonge ngʼat manyalo bedo e kom duongʼ e Israel.

2 Ruodhi 10:29

Kata kamano ne ok olokore oweyo richo mar Jeroboam wuod Nebat, mane omiyo jo-Israel odonje richo mar lamo nyaroya mar mula mochwe e Bethel kod Dan.

2 Ruodhi 17:22

Jo-Israel nomedo timo richo duto mag Jeroboam kendo ne ok giweyo timogi,

2 Ruodhi 3:3

Kata kamano ne osiko e richo mar Jeroboam wuod Nebat, mane omiyogo jo-Israel odonjo e richo; kendo ne ok oweyogi kata matin.

2 Weche mag Ndalo 6:16

“To koro Jehova Nyasaye ma Nyasach Israel rit singruok mane itimo gi jatichni Daudi wuora kiwachone niya, ‘Ok inibed maonge ngʼama bet e nyima e kom loch Israel ka nyikwayi onono kaka giwuotho e nyima kaka chikna dwaro mana kaka isetimo.’

Nehemia 10:29

noriwore gi owetegi ma joka ruoth mi gikwongʼore giduto kendo negikwongʼore ni ginilu Chike Nyasaye, mane ochiwo kokalo kuom Musa jatichne kendo ginirit chike duto gi yore duto kod puonj mag Jehova Nyasaye Ruodhwa.

Zaburi 119:9

Ere kaka ngʼama pod tin nyalo rito ngimane mondo osik ka oler? Onyalo rito mana ka odak moluwore gi wachni.

Zaburi 39:1

Ne awacho niya, “Abiro ritora e yorena, kendo abiro rito lewa kik wach richo; abiro tweyo dhoga gi tol kinde duto ma joma timbegi richo ni buta.”

Zaburi 78:10

Ne ok girito singruok mar Nyasaye kendo ne gidagi dak ka giluwo chik Nyasaye.

Ngeche 4:23

To moloyo duto, rit chunyi, nikech en e soko mar ngima.

Ezekiel 36:27

Abiro olo Roho mara kuomu, mi aket ulu buchena kendo uket chunyu mar rito chikena.

Daniel 9:10

ok waseluoro Jehova Nyasaye ma Nyasachwa, kata rito chike mane omiyowa kokalo kuom jotichne ma jonabi.

Rapar mar Chik 4:15

Ne ok uneno Jehova Nyasaye gi wangʼu e kinde mane uwinjo dwonde koa e mach e got Horeb. Omiyo beduru motangʼ ahinya,

Rapar mar Chik 4:23

Beduru motangʼ mondo kik wiu wil gi singruok mane Jehova Nyasaye ma Nyasachu otimo kodu, kik ulos ne un uwegi kido moro amora milamo ma Jehova Nyasaye ma Nyasachu okwero.

Rapar mar Chik 5:33

Wuothuru e yore duto ma Jehova Nyasaye ma Nyasachu osechikou mondo ubed mangima kendo ubed gi mwandu mondo omi ngimau omedre e piny ma ubiro kawo.

Jo-Hibrania 12:15

Ritreuru mondo une ni onge ngʼato kuomu molal kendo oweyo ngʼwono mar Nyasaye, kendo kik uwe sigu moro bedi e kindu manyalo ketho ji mangʼeny.

Jo-Hibrania 2:1

Mano emomiyo nyaka waket chunywa kuom mako weche duto mwasewinjo mondo kik waba yo.