2 Johana 1:8 - Motingʼo Loko Manyien

⁸ Omiyo ritreuru mondo gima usetiyone kik lalnu, eka unuyud mich magu duto.

MUMA MALER 2015

⁸ Ritreuru mondo kik gima usetiyone lalnu, to uyud poku duto.

2 Johana 1:8 ပူးပေါင်းရင်းမြစ်များ

Daniel 12:3

Joma riek norieny ka ler mar polo, kendo jogo mane opuonjo ji mangʼeny mondo otim gik makare norieny ka sulwe nyaka chiengʼ.

Mathayo 24:4

Yesu nodwokogi niya, “Beduru motangʼ mondo ngʼato kik wuondu.

Mariko 13:23

Emomiyo ritreuru un uwegi; asenyisou gik moko duto motelo kapok kindego ochopo.

Mariko 13:9

“Nyaka ubed motangʼ, nikech nochiwu e lwet buche mag gwengʼ kendo norodhu gi del e sinagoke. Unuchungʼ kiyalou e nyim jotelo gi ruodhi nikech An, kendo unulandnegi Injili.

Luka 19:19

“Ruodhe nodwoke ni, ‘Bed jarit mier madongo abich.’

Luka 21:8

Nodwoko niya, “Beduru motangʼ mondo kik wuondu. Nimar ji mangʼeny nobi e nyinga ka hedhore ni, ‘An e en,’ kendo ni, ‘Sa chiegni,’ kik uluwgi.

Johana 4:36

Kata mana sani ngʼat ma keyo ichulo pokne, kendo ochoko olembe mochiek ne ngima mochwere, mondo omi jachwoyo, kaachiel gi jakeyo, obed mamor kanyakla.

1 Jo-Korintho 15:8

eka achien mogik, ne ofwenyorena apoya an bende, mana ka nyathi mobwogi.

1 Jo-Korintho 3:14

Ka gima ne ngʼato ogero notony ma ok owangʼ e mach, to noyud michne.

1 Jo-Korintho 3:8

Jachwoyo gi jaol pi nigi thoro machalre, kendo ngʼato ka ngʼato kuomgi noyud pokne kaluwore gi tichne.

Jo-Galatia 3:4

Usesandoru malich kamano mana kayiem adier, ooyo ok apar ni kamano?

Jo-Galatia 4:11

Ulitna ahinya, kendo timbeu miyo aparo ni dipo nine ayalonu Injili kayiem nono.

Jo-Filipi 3:16

Kata kamano, wadhiuru nyime kod ngima mawasenwangʼo.

Jo-Hibrania 10:32

Parieuru ndalo mokwongo mane uyudo ler mar Nyasaye. E kindeno nunyono piny motegno kukedo matek e dier sand mathoth.

Jo-Hibrania 10:35

Kuom mano, kik koro uyie chir mane un-go lalnu, nikech obiro kelonu pok maduongʼ.

Jo-Hibrania 12:15

Ritreuru mondo une ni onge ngʼato kuomu molal kendo oweyo ngʼwono mar Nyasaye, kendo kik uwe sigu moro bedi e kindu manyalo ketho ji mangʼeny.

Fweny 3:11

Abiro biro piyo. Omiyo mak matek gima in-go mondo kik ngʼato mayi osimboni.