2 Johana 1:12 - Motingʼo Loko Manyien

¹² An gi weche mangʼeny monego andikni, to ok adwar ndikonigi e baruwani. Kar timo kamano to ageno limi mondo awuo kodi wangʼ gi wangʼ eka mor marwa norom chuth.

MUMA MALER 2015

¹² Kata obedo ni an gi weche mathoth ma adwaro nyisou, to ok abi ndikogi e barua, to ageno ni abiro biro iru mondo alos kodu wang’ gi wang’, mondo waduto wabed mamor kaachiel.

2 Johana 1:12 ပူးပေါင်းရင်းမြစ်များ

Kwan 12:8

En awuoyo kode wangʼ gi wangʼ, awuoyo kode maler ma ok gi ngeche; kendo oneno tich Jehova Nyasaye. Angʼo momiyo ne ok uluor ka uwuoyo kuom jatichna Musa?”

Johana 15:11

Asenyisou wachni mondo morna obed eiu kendo mondo mor maru obed moromo chuth.

Johana 16:12

“An gi weche mangʼeny monego awachnu, to ok unyal winjo tiendgi sani.

Johana 16:24

Nyaka sani pok ukwayo gimoro amora e nyinga. Kwauru to nomiu, eka nubed mamor chuth.

Johana 17:13

“Koro abiro iri, to awacho gigi kapod an e piny, mondo gibed gi morna mogundho eigi.

Johana 3:29

Miaha en mar wuon kisera. Jachungʼ mar wuon kisera nyaka chik ite ne wuon kisera kendo winje; opongʼ gi mor kowinjo dwond wuon kisera kawuoyo. An ema an gi mor machal kamano, kendo mornano koro oromo chuth.

Jo-Rumi 15:24

achano mar timo kamano kadhi Spania. Ageno mar limou ka abiro akadho mondo bangʼ bedo kodu moromo to ukonya e wuodhano.

2 Timotheo 1:4

To ka aparo kaka pi wangʼi ne chwer to chunya gombo neni ahinya mondo abed gi mor mogundho.

Filemon 1:22

Kwayo machielo ma an-go en ni mondo ilosna kar nindo, nikech an-gi geno ni ibiro gonya mana kaka usebedo kulamo.

Jo-Hibrania 13:19

Moloyo an awuon, akwayou mondo ulamna mondo aduog iru mapiyo.

Jo-Hibrania 13:23

Adwaro ni mondo ungʼe ni owadwa Timotheo osegony kendo ka ochopo piyo to wanabi kode mondo waneu.

1 Johana 1:4

Wandikonu wachni mondo morwa obed mogundho kendo moromo chuth.

3 Johana 1:10

Omiyo ka abiro to abiro nyiso ji e lela gik motimo; kaka ohangonwa weche maricho. To bende otamore rwako jowete mobiro, kendo otamo joma dwaro timo kamano, bende oriembo jogo mondo oa e kanisa.