1 Timotheo 1:7 - Motingʼo Loko Manyien

⁷ Gigombo mondo gibed jopuonj Chik to gikia tiend gik ma giwacho kata gik ma giwuoyo kuomgi.

MUMA MALER 2015

⁷ Chunygi dwaro mondo gibed jopuonj Chik Nyasaye, to ok ging’eyo tiend weche ma giwacho, kata mana tiend puonj ma gipuonjo ka giramo ni e adier.

1 Timotheo 1:7 ပူးပေါင်းရင်းမြစ်များ

Mathayo 15:14

Wegiuru aweya; gin jotecho ma muofni. Ongʼere ni ka ngʼama muofu otelo ne muofu wadgi to nyaka gilingʼre ei bugo giduto kargi ji ariyogo.”

Mathayo 21:27

Omiyo negidwoko Yesu niya, “Ok wangʼeyo.” Eka nowachonegi niya, “An bende ok abi nyisou kuma agole teko ma atimogo gigi.

Luka 2:46

Bangʼ ndalo adek negiyude ei agolni mag hekalu, kobedo e kind jopuonj, kowinjogi kendo penjogi penjo.

Tich Joote 15:1

Jomoko moa Judea nobiro Antiokia kendo negipuonjo jowete kagiwacho niya, “Ka ok oteru nyangu kaluwore gi chik mane Musa opuonjo to ok unyal yudo warruok.”

Jo-Rumi 1:22

Kata obedo ni negiwacho ni giriek, to negibedo joma ofuwo,

Jo-Galatia 3:2

Adwaro ni unyisa wach achielni kende: Bende ne uyudo Roho Maler kuom rito Chik koso nikech nuyie wach mane uwinjo?

Jo-Galatia 3:5

Bende Nyasaye dimiu Rohone mi otim honnige e dieru nikech urito Chik, koso nikech uyie kuom gik mane uwinjo?

Jo-Galatia 4:21

Nyisaneuru un joma dwaro bedo e bwo chik, donge ungʼeyo gima chik wacho?

1 Timotheo 6:4

to ngʼeuru ni ngʼat ma kamano wuondore kende owuon bende onge gima ongʼeyo. Ngʼat ma kamano kasore gi mino wach kendo gigoyo mbaka manono makelo nyiego, gi dhawo, gi kuoth, kod chich maricho;

2 Timotheo 3:7

mon makamagi oikore mar winjo puonj to kata kamano ok ginyal chopo e okangʼ mar rwako adiera.

Jakobo 3:1

Jowetena, kik joma thoth kuomu ketre mar bedo jopuonj, nikech ungʼeyo ni wan mwapuonjo nongʼadnwa bura malit moloyo ji mamoko.

2 Petro 2:12

To jogi wuoyo marach ka giyanyo nyaka gik ma ok giwinj tiendgi. Gichalo le maonge rieko, mager, maonge paro, mane ochwe mana mondo omaki oyangʼ. Jogi biro lal nono mana ka le mag bungu.