1 Timotheo 1:6 - Motingʼo Loko Manyien

⁶ Jomoko osebaro oweyo magi mi gidonjo e mbekni mag oyuma maonge tiendgi.

MUMA MALER 2015

⁶ Ji moko oseweyo luwo mago, mi obayo yo, kendo odonjo e mbekni manono.

1 Timotheo 1:6 ပူးပေါင်းရင်းမြစ်များ

Mathayo 18:12

“Uparo nade? Ka ngʼato nigi rombe mia achiel, to achiel kuomgi olal, donge ngʼatno diwe piero ochiko gochikogo mi odhi omany achiel molalno?

1 Timotheo 5:15

Chutho, moko odok chien mi koro giluwo Satan.

2 Timotheo 2:18

mosebayo yo moweyo adiera. Giseweyo adiera ka gipuonjo ni chier osetimore, kendo giketho yie mar ji moko.

2 Timotheo 4:10

nimar Dema oseringo oweya modhi Thesalonika nikech nohero pinyni moloyo. Kreske to osedhi e piny Galatia, kendo Tito bende osedhi e piny Dalmatia.

Tito 1:10

Nikech nitie ji mangʼeny ma jongʼanyo, ma gin mana jothor wach kendo jowuond ji, to moloyo jogo moter nyangu ma gin jo-Yahudi moyie.

Tito 3:9

To pogri gi mbekni mofuwo gi sigendini mag anywola gi mino wach kod dhawo kuom weche mag chike, nikech gik ma kamago ok kel konyruok kendo gionge tich.