1 Samuel 6:7 - Motingʼo Loko Manyien

⁷ “Omiyo sani ikuru gari manyien, gi dwesni ariyo ma osenywol to pok otwe e jok. Tweuru dwesnigi e gari, nyiroye to tweuru e loch.

MUMA MALER 2015

⁷ “Emomiyo koro uik gari manyien, kendo ukaw duesni ariyo madhodho, ma yandi pok otuenigi jok. Tueuru dhogo e garino, to ugol nyithindgi kuomgi, odong’ dala.

1 Samuel 6:7 ပူးပေါင်းရင်းမြစ်များ

2 Samuel 6:3

Negiketo Sandug Muma mar Nyasaye e gari manyien mine gigole e od Abinadab, mane ni ewi got. Uza gi Ahio, ma gin yawuot Abinadab, ema ne chiko gari manyien

1 Weche mag Ndalo 13:7

Negigolo Sandug Muma mar Nyasaye e od Abinadab ka otingʼe e gari manyien, to Uza gi Ahio ema ne chiko garino.

Kwan 19:2

“Ma e dwaro mar chik ma Jehova Nyasaye osechiko: Nyis jo-Israel mondo okel nyaroya ma silwal maonge songa kata ma ok ongʼol kendo mapok otwe e jok.

Rapar mar Chik 21:3

Eka jodongo manie dala machiegni kod ringre ngʼatno nokaw nyaroya mapok otiyo, kata mapok otwe e jok,

Rapar mar Chik 21:4

kendo gilor kode e holo kama pok opur kata pidhoe cham, kochomo aora ma pi molie, kendo kanyo ema mondo giture ngʼute.