1 Samuel 4:18 - Motingʼo Loko Manyien

¹⁸ Kane ohulo wach mar Sandug Muma mar Nyasaye, Eli nogore piny ataro koa e kom manobetie e bath rangach. Ngʼute ne otur mi notho, nikech ne oti kendo ne ochwe. Ne osetelo ne Israel kuom higni piero angʼwen.

MUMA MALER 2015

¹⁸ Kane Eli owinjo wach Sanduk mar Nyasaye, nogore piny ataro, koa e kom ma nobetie but rangach, mi ng’ute notur, motho nikech ne en jaduong’ moti, kendo nopek. Nosebedo jang’ad bura ni jo-Israel kuom higni piero ang’wen.

1 Samuel 4:18 ပူးပေါင်းရင်းမြစ်များ

Zaburi 26:8

Ahero hekalu kama idakie, yaye Jehova Nyasaye, kama duongʼni nitie.

Zaburi 42:10

Chokena tho omako kendo rama malit seche ma joma kedo koda yanya kochaya, ka giwachona odiechiengʼ duto niya, “Koro ere Nyasachino?”

Zaburi 42:3

Aseywak mi pi wangʼa osechalo chiemba odiechiengʼ gotieno, ka ji to wachona odiechiengʼ duto niya, “Koro ere Nyasachino?”

Zaburi 69:9

nikech hera matut ma aherogo odi tieka, kendo ayenje mag joma yanyi lwar kuoma.

Tim jo-Lawi 10:3

Eka Musa nowacho ni Harun niya, “Ma e gima Jehova Nyasaye nowuoyoe kawacho kama, “ ‘Ananyis kaka an Nyasaye Maler ne jogo masudo buta, kendo nyaka miya luor e nyim ogendini duto.’ ” Wachni nomako dho Harun.

Jong’ad Bura 15:20

Samson notelo ne Israel kuom higni piero ariyo e ndalo mag jo-Filistia.

1 Samuel 4:13

Kane ochopo, nonwangʼo Eli kobet e kome e dir yo, ka orito nimar luoro nomake nikech Sandug Muma mar Nyasaye. Kane ngʼatno odonjo e dala mowacho gima ne osetimore, ji duto mane ni ei dala nomuoch gi nduru.

1 Samuel 4:17

Ngʼat mane okelo wach nodwoko niya, “Israel nolo gi jo-Filistia, kendo jolweny otho mangʼeny. Koda ka yawuoti ariyo, Hofni gi Finehas osetho, to Sandug Muma mar Nyasaye okaw modhi.”

1 Samuel 4:19

Chi wuode, ma jaod Finehas, ne nigi ich mochiegni nywol. To kane owinjo wach ni Sandug Muma mar Nyasaye osekaw kendo ni kwar mare gi chwore osetho, muoch nochako kaye mi nonywol, kata kamano nywolne nobiro marach.