1 Samuel 30:26 - Motingʼo Loko Manyien

²⁶ Ka Daudi nochopo Ziklag nooro joote gi gik mope ne jodong Juda mosiepene, kowacho niya, “Ero aoronu mich kuom gik mope mag jowasik Jehova Nyasaye.”

MUMA MALER 2015

²⁶ Kane Daudi odok Ziklag, nooro gik mope moko ni jodong Juda ma osiepene, kowachonigi niya, “Aoronu mich moa kuom gik mwapeyo kuom wasik Ruoth Nyasaye.”

1 Samuel 30:26 ပူးပေါင်းရင်းမြစ်များ

Chakruok 33:11

Asayi kaw mich manokelnigo, nikech Nyasaye osebedona mangʼwon kendo an gi gik moko duto madwaro.” Nikech Jakobo noramo, Esau nokawo.

2 Samuel 1:1

Bangʼ kane Saulo osetho, Daudi noduogo koa e lweny mane oloyoe jo-Amalek mi nonindo Ziklag ndalo ariyo.

2 Ruodhi 5:15

Eka Naaman kod jotichne duto nodok ir ngʼat Nyasaye. Nochungʼ e nyime mowachone niya, Koro angʼeyo ni onge Nyasaye moro e piny mangima makmana e Israel. Koro kiyie kaw mich moa kuom jatichni.

Zaburi 35:27

Mad joma mor kuom loch ma imiya okog gi ilo kod mor; mad gisiki kagiwacho kinde duto niya, “Jehova Nyasaye mondo otingʼ malo nikech omiyo jatichne locho.”

Zaburi 68:18

Kane iidho idhi malo to ne itelone joma nimako e lweny; kendo ne ikawo mich mane ji omiyi, nyaka mich mane jongʼanyo omiyi, mondo in Jehova Nyasaye, idag kanyo.

Isaya 32:8

To ngʼat mogen loso weche mabeyo kendo kuom timbe makare miyo ochungʼ motegno.

2 Jo-Korintho 9:5

Kuom mano, ne aneno ni ber mondo ajiw owetegi mondo olimu chon mondo utiek chenro duto mag chiwo mag ngʼwono mane usesingoru ni ubiro chiwo. Kamano, ka abiro to anayud ka chiwo maru mar ngʼwono oikore, kendo mano nonyis ni uchiwe gi ngʼwono, to ok kuom achuna.

1 Samuel 18:17

Saulo nowachone Daudi niya, “Ma en Merab nyara maduongʼ. Abiro miyigo mondo ikende; to mana ka inyalo kedona gi chir ka ikedo lwenje mag Jehova Nyasaye.” Nimar Saulo nowacho e chunye niya, “Ok abi keto lweta kuome. We jo-Filistia ema otim mano!”

1 Samuel 25:27

Yie mondo michni, ma jatichni osekelo ni ruodha, mondo omi joma luwi.

1 Samuel 25:28

“Yie iwene jatichni kethone, nimar Jehova Nyasaye nyaka nomi dhood ruodha loch mosiko, nikech okedo lwenje mag Jehova Nyasaye. Kik iyie ketho moro oyud kuomi kapod ingima.

1 Samuel 30:20

Nokawo kweth mag jamni kod mag dhok mi joge nosembogi e nyim kweth mag jamni mamoko kowacho niya, “Magi gin gik ma Daudi opeyo.”

1 Samuel 30:25

Daudi noketo ma obedo chik e Israel chakre chiengʼno nyaka chil kawuono.