1 Samuel 30:23 - Motingʼo Loko Manyien

²³ Daudi nodwoko niya, “Ooyo owetena, ok onego utim kamano gi gik ma Jehova Nyasaye osemiyowa. Oseritowa mi ochiwonwa joma nomonjowa.

MUMA MALER 2015

²³ To Daudi nowacho niya, “Owetena, kik utim kamano kuom gik ma Ruoth Nyasaye osemiyowa, nikech en ema oseresowa, kendo ochiwo oganda ma nomonjowano e lwetwa.

1 Samuel 30:23 ပူးပေါင်းရင်းမြစ်များ

Chakruok 19:7

kendo nowachonegi niya, “Ooyo jowadwa, kik utim tim makweroni!

Habakuk 1:16

Emomiyo, ochiwo misango kuom gogo mar lupo kendo owangʼo ubani ne obadho mar chiko rech, nikech gogo mare miyo odak e ngima maber kendo ochamo chiemo moyier maber.

Tich Joote 22:1

“Owetena gi wuonena, koro winjuru wechena manyisou ni aonge ketho.”

Tich Joote 7:2

Stefano nodwoko niya, “Owetena kod wuonena, winjauru! Nyasaye man-gi duongʼ maber nofwenyore ni wuonwa Ibrahim kane pod odak e piny Mesopotamia, kane pok odar odhi odak Haran.

Rapar mar Chik 8:10

Ka usechiemo ma uyiengʼ, to pakuru Jehova Nyasaye ma Nyasachu kuom piny maber ma osemiyou.

Rapar mar Chik 8:17

Unyalo wacho e chunyu niya, “Tekona kod lucha kod tich lweta ema omiyo ayudo mwandugi.”

Rapar mar Chik 8:18

To par Jehova Nyasaye ma Nyasachi, nimar en ema omiyi teko mar loso mwandu, kochopogo singruok mare mane osingore gi kwereu mana kaka en kawuononi.

Jong’ad Bura 19:23

Wuon odno nowuok oko mi owachonegi niya, “Ooyo, osiepena, kik utim tim mamonono. Nimar ngʼatni en wendona, kik utim gima rachno.

1 Samuel 2:7

Jehova Nyasaye ema kelo dhier gi mwandu, josunga odwoko piny, to joma muol otingʼo malo.

1 Samuel 30:22

To joricho duto gi joma acheje mane ni ei joma luwo Daudi nowacho niya, “Nikech ne ok gidhi kodwa, ok wabi pogo kodgi gik mope ma wadwoko. To kata kamano ngʼato ka ngʼato okaw chiege gi nyithinde mondo odhigo.”

1 Samuel 30:24

Ngʼama biro winjo wachu? Pok mar joma nodongʼ karito gigewa biro bedo marom gi pok ngʼat mane odhi e lweny. Ji duto biro yudo maromre.”

1 Samuel 30:8

mi Daudi nopenjo Jehova Nyasaye wach ni, “Bende dalaw joma osepeyowagi. Bende dajukgi?” Nodwoke niya, “Lawgi. Chutho inijukgi mi inires jogi duto.”