1 Samuel 30:21 - Motingʼo Loko Manyien

²¹ Eka Daudi noduogo e Holo mar Besor kama ji mia ariyo mane ool mane ok nyal dhi kode nodongʼie. Negibiro mondo girom ni Daudi gi ji mane ni kode. Ka Daudi gi joge nosudo machiegni nomosogi.

MUMA MALER 2015

²¹ Daudi noduogo ir ji mia ariyo mane oweyo aora Besor, ka tekogi orumo, kendo ok nyal luwo bang’e, mi jogo nowuok mondo oromne kaachiel gi joma ne ni kode. Kane gichopo machiegni, ne gimosogi, kendo gipenjogi kaka wach obet.

1 Samuel 30:21 ပူးပေါင်းရင်းမြစ်များ

Jo-Hibrania 13:1

Sikuru kuheroru kaka owete.

1 Petro 3:8

Mogik, neuru ni un duto un gi chuny achiel kod paro achiel, kuheroru kaka owete, kendo beduru mamuol kendo mangʼwon.

Jong’ad Bura 8:15

Eka Gideon nobiro mi owachone jo-Sukoth niya, “Eri Zeba gi Zalmuna, mane osemiyo uchaya kuwacho ni, ‘Bende usemako Zeba gi Zalmuna? Ere kaka dwami jolweny magi moolgi makati?’ ”

1 Samuel 17:18

Kaw bende chak mopoto mongʼin apar mondo itergi ne jatendgi. Nenane kaka oweteni dhi mondo iduogna wach maber moa kuomgi.

1 Samuel 17:22

Daudi noweyo gigege gi jarit gik moko moringo odhi ir jolweny mi omoso owetene.

1 Samuel 30:10

nimar ji mia ariyo nool ahinya mane ok ginyal ngʼado holono. To Daudi gi ji mia angʼwen nodhi nyime gi lepo.

1 Samuel 30:22

To joricho duto gi joma acheje mane ni ei joma luwo Daudi nowacho niya, “Nikech ne ok gidhi kodwa, ok wabi pogo kodgi gik mope ma wadwoko. To kata kamano ngʼato ka ngʼato okaw chiege gi nyithinde mondo odhigo.”