1 Samuel 25:27 - Motingʼo Loko Manyien

²⁷ Yie mondo michni, ma jatichni osekelo ni ruodha, mondo omi joma luwi.

MUMA MALER 2015

²⁷ To michni eri ma asekeloni, mondo imi joma in go.

1 Samuel 25:27 ပူးပေါင်းရင်းမြစ်များ

Chakruok 33:11

Asayi kaw mich manokelnigo, nikech Nyasaye osebedona mangʼwon kendo an gi gik moko duto madwaro.” Nikech Jakobo noramo, Esau nokawo.

2 Samuel 16:2

Ruoth nopenjo Ziba niya, “Angʼo momiyo ikelo gigi?” Ziba nodwoke niya, “Pundegi gin ma jood ruoth nyalo idho, makati gi olembe to gin mar jogi mondo ocham, divai to en mar duogo chuny joma ool e thim mondo omadhi.”

2 Ruodhi 5:15

Eka Naaman kod jotichne duto nodok ir ngʼat Nyasaye. Nochungʼ e nyime mowachone niya, Koro angʼeyo ni onge Nyasaye moro e piny mangima makmana e Israel. Koro kiyie kaw mich moa kuom jatichni.

Ngeche 18:16

Chiwo yawo yo ne ngʼat machiwo kendo tere e nyim jomadongo.

2 Jo-Korintho 9:5

Kuom mano, ne aneno ni ber mondo ajiw owetegi mondo olimu chon mondo utiek chenro duto mag chiwo mag ngʼwono mane usesingoru ni ubiro chiwo. Kamano, ka abiro to anayud ka chiwo maru mar ngʼwono oikore, kendo mano nonyis ni uchiwe gi ngʼwono, to ok kuom achuna.

Jong’ad Bura 4:10

kama noluonge Zebulun kod Naftali. Ji alufu apar noluwo bangʼe, kendo Debora bende nodhi kode.

1 Samuel 25:42

Abigael noidho punda piyo piyo ka jotije abich hike kendo rite, negidhi gi joote Daudi mobedo chiege.

1 Samuel 30:26

Ka Daudi nochopo Ziklag nooro joote gi gik mope ne jodong Juda mosiepene, kowacho niya, “Ero aoronu mich kuom gik mope mag jowasik Jehova Nyasaye.”