1 Samuel 25:21 - Motingʼo Loko Manyien

²¹ Daudi noyudo osewacho niya, “Kara ne en gima nono ka athagora gi rito mwandu ngʼatni e thim, maonge kata mana gire mane olal. To osechula mana rach kar ber mane atimone.

MUMA MALER 2015

²¹ Noyudo Daudi osewacho niya, “Nathagora kayiem, karito mwandu jali e thim, mak gimoro olal. To kata obedo ni asetimone maber kamano, en to osetimona tim marach.

1 Samuel 25:21 ပူးပေါင်းရင်းမြစ်များ

Chakruok 44:4

Kane pok gidhi mabor gi dala Josef nowacho ne jatichne niya, ring ilaw joka piyo, kendo ka imakogi, wachnegi niya, “Angʼo ma omiyo uchulo rach kar ber?

Ayub 30:8

Ne gin joma nono maonge nying, omiyo noriembgi gia e piny.

Zaburi 35:12

Gichula rach kar ber, kendo giweyo chunya kochwanyore.

Zaburi 37:8

Ritri kik ibed gi mirima kendo lokri iwe ich wangʼ kik ibed gi ich wangʼ nikech okelo mana rach.

Zaburi 38:20

Joma chulo rach kuom ber ma asetimonegi kuodho nyinga ka an to alawo gima ber.

Ngeche 17:13

Ka ngʼato chulo rach kar ber, rach ok nowe ode.

Jeremia 18:20

Bende ber inyalo chul gi tim marach? To kata kamano gisekunyona bugo. Par nine achungʼ e nyimi kendo awuoyo ka akwayonegi, mondo kik iol mirimbi kuomgi.

Jo-Rumi 12:21

Kik uyie richo lou, to louru richo gi tim maber.

Jo-Efeso 4:26

“Kaponi iu owangʼ, to kik utim richo.” Kik uwe chiengʼ podhi ka pod un gi ich wangʼ

Jo-Efeso 4:31

Weuru kecho gi mirima gi ich wangʼ gi gwandruok gi himruok gi ketho nying kod himruok duto.

1 Jo-Thesalonika 5:15

Neuru ni onge ngʼama chulo rach kuom rach motimne, to temuru mondo kinde duto utim maber ne joweteu kendo ne ji mamoko bende.

1 Petro 3:17

En gima ber ka en dwaro Nyasaye, mondo osand ngʼato kuom timo maber moloyo ka ngʼato yudo sand kuom timo richo.

1 Petro 3:9

Kik uchul richo kar richo, kata ayany kar ayany kar timo kamano to gwedhuru agwedha, nikech mano omiyo noluongou, mondo uyud gweth.

1 Samuel 25:13

Daudi nowachone joge niya, “Kawuru liganglau!” Omiyo negikawo liganglagi Daudi bende nokawo mare. Ji madirom mia angʼwen nodhi gi Daudi, to mia ariyo nodongʼ karito gigegi.

1 Samuel 25:15

Kata kamano jogi noritowa maber ahinya. Ne ok gitimonwa marach, to bende e kinde mane wan oko e pap kodgi onge gimoro mane olal.

1 Samuel 25:20

Kane oyudo odhi koidho pundane e hoho manie got, to nyime kanyo noneno Daudi gi joge kalor e got biro kochome kendo noromo kodgi.

1 Samuel 25:7

“ ‘Koro asewinjo ni ingʼado yie rombi e kindeni. Kane jokwadhi ni kodwa, to ne ok watimonegi marach, kendo e kinde duto mane gin Karmel onge girgi manolal.