1 Samuel 24:16 - Motingʼo Loko Manyien

¹⁶ Kane Daudi otieko wuoyo, Saulo nopenjo niya, “Mano en dwondi Daudi wuoda?” Eka noywak matek.

MUMA MALER 2015

¹⁶ Kane Daudi otieko nyiso Saulo wechegi, Saulo nopenje niya, “Daudi wuoda, mano dwondi koso?” Eka noywak matek,

1 Samuel 24:16 ပူးပေါင်းရင်းမြစ်များ

Chakruok 16:5

Eka Sarai nowacho ne Abram niya, “In ema ikelona achayani. Ne aketo jatichna e lweti, kendo ka koro ongʼeyo ni osemako ich to ochaya mad Jehova Nyasaye bed jangʼad bura e kinda kodi.”

Chakruok 2:2

E odiechiengʼ mar abiriyo Nyasaye nosetieko tichne mane osebedo ka otimo; omiyo odiechiengʼ mar abiriyo noyweyo kuom tijene duto.

Chakruok 33:4

To Esau noringo oromone Jakobo mokwake; nokwako ngʼute kendo onyodhe mine giywak giduto.

1 Weche mag Ndalo 12:18

Eka Roho nolor kuom Amasai mane jatend thuondi piero adekgi kowacho niya, “Wan jogi, yaye Daudi! Wan kodi, yaye wuod Jesse! Lochi, bed jaloch kendo joma konyi bende olochi, nikech Nyasachi biro konyi.” Eka Daudi norwakogi ma oketogi jotelo mag jopecho.

Ayub 6:25

Mano kaka weche madier lit kaka kudho! To weche mihango mathothgo, to nyiso angʼo?

Zaburi 119:154

Dog jakora mondo iresa, rit ngimana kaluwore gi singruokni.

Ngeche 15:1

Dwoko wach mamuol kweyo mirima, to wach makwiny jimbo ich wangʼ.

Ngeche 25:11

Wach mowach e kinde mowinjore, chalo gi olemo mar dhahabu moketie tawo molos gi fedha.

Luka 21:15

Nimar abiro miyou weche gi rieko maonge wasiku kata achiel ma biro tamore kata kwero wachuno.

Tich Joote 6:10

to ne ok ginyal loyo riekone kod teko mar Roho mane owuoyogo.

Jong’ad Bura 11:27

Wan pok wakethonu, to un koro utimonwa marach kuom kedo kodwa. Mad uwe Jehova Nyasaye, ma jangʼad bura ongʼad burano odiechiengʼ ma kawuononi e kind jo-Israel gi jo-Amon.”

1 Samuel 26:17

Saulo nochamo dwond Daudi mowacho niya, “Mano en dwondi Daudi wuoda?” Daudi nodwoke niya, “Ee mano dwonda ruodha ma ruoth.”

1 Samuel 26:24

Mana kaka ngimani nelongʼona kawuono, mad ngimana bende bed malongʼo ni Jehova Nyasaye mondo oresa e chandruok duto.”