1 Samuel 23:26 - Motingʼo Loko Manyien

²⁶ Saulo ne dhi e bath got konchiel to Daudi gi joge ne ni e bathe kumachielo, ka giringo mondo gi yomb Saulo. Ka Saulo gi jolwenje ne chiegni juko Daudi gi joge mondo gimakgi,

MUMA MALER 2015

²⁶ Saulo nodhi e bath got konchiel, to Daudi gi joge ne nie bathe komachielo. Daudi ne reto mondo oyomb Saulo, nikech Saulo gi joge ne ochako timonigi ageng’a koni gi koni, mondo omakgi.

1 Samuel 23:26 ပူးပေါင်းရင်းမြစ်များ

2 Samuel 15:14

Eka Daudi nowachone jodonge duto mane ni kode Jerusalem niya, “Biuru! Nyaka to waring waa ka, ka ok kamano onge ngʼato kuomwa mabiro tony e lwet Abisalom. Nyaka wawuog mapiyo, nono to enobi mapiyo mojukwa mi otiekwa kendo oneg ji e dala maduongʼ gi ligangla.”

2 Weche mag Ndalo 20:12

Nyasachwa, donge dingʼadnegi bura? Wan to waonge kod teko ma wanyalo kedogo kod oganda lweny maduongʼni ma monjowani. Wan ok wangʼeyo gima dwatim, genowa waketo kuomi.”

Zaburi 17:11

Giselawa kuonde duto, mi koro gilwora, ka wengegi ochiek, mondo gidira piny.

Zaburi 17:9

mondo atony e lwet joma richo ma lawa, mondo atony e lwet wasika ma dhano molwora.

Zaburi 22:12

Rwedhi mangʼeny olwora; rwedhi maroteke moa Bashan olwora koni gi koni.

Zaburi 22:16

Guogi oselwora; oganda mar joma richo oseketa diere, gisetucho lwetena gi tiendena.

Zaburi 31:22

Kane chandruok omaka to ne awacho ni, “Opoga kodi!” Kata kamano ne iwinja ka aywakni mondo ikecha kane aluongi mondo ikonya.

2 Jo-Korintho 1:8

Jowete, ok wadwar mondo ubed ka ukia, kaka ne waneno masiche mapek e piny Asia. Ne oyie kuomwa masiche madongo kendo mapek moingowa tingʼo mine wajok gibedo mangima.

Fweny 20:9

Ne giwuotho mi gikwako piny duto, kendo negilworo kambi mar jo-Nyasaye, dala maduongʼ ma Nyasaye ohero. To mach ne oa e polo mobiro e piny kendo nowangʼogi motiekogi.

Jong’ad Bura 16:2

Nonyis jo-Gaza niya, “Samson nitiere kae!” Omiyo negilworo kanyo kendo gibuto ka girite otieno duto e dhoranga dala maduongʼ. Ne ok gisudo otienono, kagiwacho niya, “Kochopo kogwen to wabiro nege.”

1 Samuel 19:12

Eka Mikal nogolo Daudi gie dirisa, mine oringo motony.

1 Samuel 20:38

Eka nokok kowacho niya, “Reti! Dhi piyo! Kik ichungʼ!” Wuowino nokwanyo asereno mi odok ir ruodhe.

1 Samuel 23:25

Saulo gi joge nochako dwero, ka nowach ne Daudi wachno, nolor mwalo e lwanda mi nobet e Thim man Maon. Kane Saulo owinjo ma, nodhi e Thim man Maon kolawo Daudi.

1 Samuel 23:27

jaote nobiro ir Saulo, mowacho niya, “Bi piyo! Jo-Filistia osebiro monjo piny.”