1 Samuel 23:13 - Motingʼo Loko Manyien

¹³ Omiyo Daudi gi joge maromo mia auchiel, nowuok Keila mine giwuotho koni gi kocha ka gisiko gidar. Kane Saulo owinjo ni Daudi nosetony mowuok Keila ne ok odhi kuno.

MUMA MALER 2015

¹³ Omiyo Daudi nowuok gi joge duto mia auchiel, modhi kamoro amora mane ginyalo dhiye. Kane Saulo owinjo ni Daudi oseringo oa Keila, ne ok odhi kuno.

1 Samuel 23:13 ပူးပေါင်းရင်းမြစ်များ

2 Samuel 15:18

Joge duto nowuotho mokadho ka gin kaachiel gi jo-Kereth duto kod jo-Peleth; to gi jo-Giti duto mia auchiel mane obiro kode koa Gath bende ne wuotho e nyim ruoth.

2 Samuel 15:20

Yande eka ibiro ka. To koro tinendeni ere kaka diwuoth kodwa kamoro amora, to an akia kuma adhiye? Dogi mondo ikaw jothuru idhigo. Mad ngʼwono gi adieri bed kodi.”

Ayub 5:12

Oketho chenro mar joma paro timo timbe mamono mondo omi gik ma giparogo kik timre.

Zaburi 34:5

Joma oketo genogi kuome rieny; ok gi bi neno wichkuot.

1 Samuel 22:2

Ji duto mane nigi chandruok kata mane nigi gowi kata nigi ngʼur moro amora nochokore modhi ire, mine obet jatendgi. Ne gin chwo madirom mia angʼwen mane ni kode.

1 Samuel 25:13

Daudi nowachone joge niya, “Kawuru liganglau!” Omiyo negikawo liganglagi Daudi bende nokawo mare. Ji madirom mia angʼwen nodhi gi Daudi, to mia ariyo nodongʼ karito gigegi.