1 Samuel 23:12 - Motingʼo Loko Manyien

¹² Daudi nopenjo kendo niya, “Jo-Keila biro chiwa kaachiel gi joga ne Saulo.” To Jehova Nyasaye nowacho niya, “Gibiro timo kamano.”

MUMA MALER 2015

¹² Eka Daudi nopenjo kendo niya, “Jo-Keila nochiwa kaachiel gi joga e lwet Saulo koso?” Ruoth Nyasaye nodwoke ni, “Ginichiwi.”

1 Samuel 23:12 ပူးပေါင်းရင်းမြစ်များ

Zaburi 118:8

Ber pondo kuom Jehova Nyasaye moloyo geno kuom dhano.

Zaburi 143:8

Mi mondo okinyi oromna gi herani ma ok rem, nimar aketo genona kuomi. Nyisa yo monego alu nimar aketo chunya duto kuomi.

Zaburi 31:8

Ok iseketa e lwet jawasigu to iseguro tiendena kama lach.

Zaburi 62:1

Chunya yudo yweyo kuom Nyasaye kende; warruok aa kuome.

Isaya 29:15

Ginine malit jogo maparo timo gimoro amora mondo gipandgo timbegi ne Jehova Nyasaye, ma gin joma timo timbegi e mudho ka giparo niya, “Ere ngʼama nenowa? En ngʼa mabiro ngʼeyo?”

Jeremia 11:18

Nikech Jehova Nyasaye nohulona marach mane gichano timo, ne angʼeyo wachno, nimar e kindeno nosefwenyona gima negitimo.

Jo-Hibrania 4:13

Onge gimoro kata achiel, kuom gik moko duto mane Nyasaye ochweyo, mopondone. Gik moko duto oyawore kendo oelore e nyim tong wangʼ Jal ma wan duto, ngʼato ka ngʼato, nyaka wabi wachungʼ e nyime kwahulo gik moko duto ma wasetimo.

Jong’ad Bura 15:10

Jo-Juda nopenjogi niya, “Angʼo ma omiyo ubiro kedo kodwa?” Negidwokogi niya, “Wabiro mako Samson, mondo watimne kaka otimonwa.”

1 Samuel 23:11

Bende jo-Keila nochiwane? To bende Saulo biro biro ka kaka jatichni osewinjo? Yaye Jehova Nyasaye ma Nyasach Israel, nyis jatichni.” Eka Jehova Nyasaye nodwoko niya, “Obiro biro.”

1 Samuel 23:20

Koroni, yaye Ruoth, inyalo biro sa moro amora midwaro biroe, to obiro bedo wachwa mondo wachiwe ne ruoth.”

1 Samuel 23:7

Nowach ne Saulo ni Daudi nosedhi Keila, omiyo nowacho niya, “Nyasaye osechiwe e lweta, nimar Daudi osetwere owuon ka odonjo e dala man-gi rangeye kod lodi.”