1 Samuel 22:8 - Motingʼo Loko Manyien

⁸ Kare mano emomiyo uduto useriworuna? Onge ngʼato angʼata manyisa ka wuoda timo singruok gi wuod Jesse. Onge ngʼama dewo gima timorena kata manyisa ni wuoda osethuwo jatija mondo obutna ka rita kaka koro otimoni.”

MUMA MALER 2015

⁸ Kara mano emomiyo uduto uriwona? Onge ng’ato kuomu mosenyisa ni wuoda notimo singruok gi wuod Jesse, bende onge ng’ato mane chunye okecha, kata mane onyisa ni wuoda nothuwo jatichna koda, mondo obutna, kaka otimo kawuononi.”

1 Samuel 22:8 ပူးပေါင်းရင်းမြစ်များ

2 Ruodhi 6:11

Wachni nochwanyo chuny ruodh Aram. Noluongo jodonge mowachonegi niya, “Bende unyalo wachona ngʼat ma jakorwa makonyo ruodh Israel?”

Ayub 33:16

onyalo wuoyo e tie itgi mi obwog-gi gi siem mayoreyore,

1 Samuel 18:1

Kane Daudi osetieko wuoyo gi Saulo, chuny Daudi nowinjore gi mar Jonathan gi Daudi mine ohere mana kaka oherore owuon.

1 Samuel 18:3

Jonathan nokwongʼore gi Daudi nikech ne ohere mana kaka oherore owuon.

1 Samuel 20:2

Jonathan nodwoke niya, “Onge. Ok ibi tho! Winji, wuonwa ok tim gimoro amora, bedni oduongʼ kata otin, ma ok onyisa. Angʼo madimi opandna wachni? Ok en kamano!”

1 Samuel 20:42

Jonathan nowachone Daudi niya, “Dhi gi kwe nimar wasesingore e nyim Jehova Nyasaye ni osiep man e kindwa kodi ka wakwongʼore niya, Jehova Nyasaye obed janeno e kindi koda kendo e kind nyikwayi kod nyikwaya nyaka chiengʼ” Eka Daudi nowuok to Jonathan bende nodok dala.

1 Samuel 20:8

In to koro bed ja-adiera ne jatichni, nikech isekwongʼori kode e nyim Jehova Nyasaye. To ka an jaketho to nega in iwuon! Angʼo ma dimi iketa e lwet wuonu?”

1 Samuel 22:13

Saulo nopenje niya, “Marangʼo useriworuna, in kod wuod Jesse, ka imiye makati, kod ligangla kendo ka ipenjone wach kuom Nyasaye, mi koro osengʼanyona kendo obuto korita, mana kaka otimo kawuononi?”

1 Samuel 23:21

Saulo nodwoko niya, “Jehova Nyasaye mondo ogwedhu kuom timona maber.