1 Samuel 20:30 - Motingʼo Loko Manyien

³⁰ Saulo notoyo mirimbe kuom Jonathan mowachone niya, “In wuod dhako ma wiye tek kendo ma ja-mahundu! Donge angʼeyo ni isebedo jakor wuod Jesse makelo wichkuot ne in iwuon kendo ne minu monywoli?

MUMA MALER 2015

³⁰ Saulo nokecho gi Jonathan, mowachone niya, “In wuod dhako ma wiye tek, kendo ma jajemo! Donge ang’eyo ni imako osiep gi wuod Jesse, ma biro keloni wichkuot, kendo ni meru monywoli bende?

1 Samuel 20:30 ပူးပေါင်းရင်းမြစ်များ

Ayub 5:2

Ich wangʼ nego ngʼama ofuwo, kendo nyiego tieko ngʼama omingʼ.

Ngeche 14:29

Ngʼat ma terore mos nigi winjo, to ngʼatno ma iye wangʼ piyo nyiso fupe.

Ngeche 15:2

Lew ngʼat mariek konyore gi rieko, to dho ngʼat mofuwo hulo gik mofuwo.

Ngeche 19:12

Gero mar ruoth chalo gi sibuor maruto, to ka omor kodi to ochalo gi tho manie wi lum.

Ngeche 19:19

Ngʼat ma ja-mirima nyaka yud kum, kendo ka ikonye, to chuno ni nyaka itim kamano kendo.

Ngeche 21:24

Ngʼat ma jasunga kendo jawuorre “Jajaro” e nyinge; otingʼore malo ka osungore malich.

Ngeche 25:28

Mana kaka dala maduongʼ ma ohingane omukore mogore piny e kaka ngʼatno ma ok nyal ritore owuon.

Ngeche 27:3

Kidi pek to kuoyo bende pek, to chandruok ma ngʼat mofuwo kelo pek moloyo gik moko ariyogo.

Mathayo 5:22

Anto anyisou ni ngʼato angʼata ma mirima omako gi nyawadgi ibiro ngʼadne bura. Bende, ngʼato angʼata mowachone nyawadgi ni, ‘Raka,’ ma tiende ni ifuwo, nyaka yal e buch jo-Sanhedrin. To ngʼato angʼata mowacho ni, ‘Ifuwo nade,’ biro neno chandruok mar mach mar Gehena.

Jo-Efeso 4:31

Weuru kecho gi mirima gi ich wangʼ gi gwandruok gi himruok gi ketho nying kod himruok duto.

Jo-Efeso 6:4

Wuone kik umi nyithindu bedo gi mirima; to ritgiuru maber, kurieyogi kendo upuonjogi kuom Ruoth.

1 Samuel 20:29

Nokwayo niya, “Yiena mondo adhi nikech joodwa timo misango e dala kendo owadwa nochika matek ni nyaka achop kuno. Koro akwayi ni yie ingʼwon-na mondo adhi ane owetena. Mano ema omiyo ok osebiro e mesa ruoth.”

1 Samuel 20:31

Ka wuod Jesse pod ngima e pinyni to in kata pinyruodhi ok nyal gurore. Koro or wach mondo okelnago nikech nyaka otho!”