1 Samuel 19:18 - Motingʼo Loko Manyien

¹⁸ Kane Daudi oseringo motony, ne odhi Rama ir Samuel mi onyise timbe duto ma Saulo osetimone. Eka en gi Samuel negidhi Nayoth ma gibet kuno.

MUMA MALER 2015

¹⁸ Kamano Daudi noringo, motony. Nodhi Rama ir Samuel monyise gik moko duto mane Saulo osetimone. Eka ne gidhi gi Samuel, mi gidak Nayoth.

1 Samuel 19:18 ပူးပေါင်းရင်းမြစ်များ

Zaburi 116:11

Kendo kane achiedh-nade omaka, to ne awacho niya, “Dhano duto riambo.”

Jakobo 5:16

Emomiyo ngʼato ka ngʼato mondo ohul richone kendo olam ni nyawadgi, mondo eka uyud chang. Lamo mar ngʼat makare nigi teko kendo timo tich.

1 Samuel 1:19

Kinyne gokinyi negichungʼ mine gilemo e nyim Jehova Nyasaye eka negidok dalagi Rama. Elkana nobedo e achiel gi chiege ma Hana eka Jehova Nyasaye nopare.

1 Samuel 15:34

Eka Samuel nowuok modhi Rama, to Saulo bende nodok dalane Gibea.

1 Samuel 19:19

Wach nochopo ne Saulo niya, “Daudi ni Nayoth e gwengʼ Rama”

1 Samuel 19:22

Mogik en owuon nowuok modhi Rama ka nochopo e Soko maduongʼ man Seku. Nopenjo niya, “Ere Samuel gi Daudi?” Negidwoke niya, “Gin Nayoth e gwengʼ Rama.”

1 Samuel 19:23

Omiyo Saulo nodhi Nayoth e gwengʼ Rama. To en bende Roho mar Nyasaye nobiro kuome mi owuotho kokoro wach nyaka ochopo Nayoth.

1 Samuel 20:1

Eka Daudi noringo koa Nayoth e gwengʼ Rama mine odhi ir Jonathan mopenje niya, “Angʼo masetimo? Ere kethona? Rach mane ma asetimo ne wuonu, momiyo odwaro kawo ngimana?”

1 Samuel 21:11

To jotich Akish nowachone niya, “Donge ngʼatni e Daudi ma ruodh pinygi? Donge en ema gimielne ka giwer ni: “ ‘Saulo osenego ji alufe, to Daudi onego alufe gi alufe’?”

1 Samuel 28:3

Samuel nosetho kendo Israel duto noywage mine giike e dalane man Rama. Saulo noseriembo ajuoke, gi jo-nyakalondo oa e piny.

1 Samuel 7:17

To kinde duto ne odokga Rama, kuma dalane ne nitie, kanyo bende ne ongʼadoe bura ne jo-Israel. Ne ogero kendo mar misango ne Jehova Nyasaye kanyo.