1 Samuel 18:23 - Motingʼo Loko Manyien

²³ Neginwoyo wechego ne Daudi. To Daudi nowacho niya, “Uparo ni en wach mayot mar bedo or ruoth? An mana ngʼama odhier bende ok angʼera.”

MUMA MALER 2015

²³ To kane jotich Saulo onyiso Daudi, nodwokogi niya, “Uparo ni bedo or ruoth en gima yot koso, ma ng’at ang’ata ma jachan ka an kama, nyalo mana bet?”

1 Samuel 18:23 ပူးပေါင်းရင်းမြစ်များ

Chakruok 29:20

Omiyo Jakobo notiyone Laban higni abiriyo mondo oyud Rael, to hignigo nonenorene mana ka ndalo matin nikech hera manoherogo Rael.

Chakruok 34:12

Nyisauru gik ma onego anyuomnu kata ma onego amiu kaka uhero, kendo abiro chulou gimoro amora ma ukwaya ka uyie miye nyaminu.

Zaburi 119:141

Kata obedo ni an chien kendo ji ochaya, to wiya ok nyal wil gi bucheni.

Ngeche 14:20

Jochan ok dwar kata gi jobutgi, to jo-mwandu nigi osiepe mangʼeny.

Ngeche 29:5

Ngʼat mawuondo jabute ochiko obadho e tiende.

1 Johana 3:1

Mano kaka hera ma Wuoro oherowago duongʼ kuom luongowa ni nyithind Nyasaye. Kendo mano e gima wan! Gimomiyo piny, ok ongʼeyowa en nikech piny ne ok ongʼeye.

1 Samuel 18:18

To Daudi nowachone ne Saulo niya, “Anto an ngʼa kata anywolana kata dhood gi wuora gin angʼo e Israel ma dimi abed or ruoth?”

1 Samuel 18:22

Eka Saulo nochiko jotichne niya, “Wuouru gi Daudi lingʼ-lingʼ kendo wachneuru ni, ‘Winji, ruoth mor kodi kendo jotije duto bende oheri koro bed ore.’ ”

1 Samuel 18:24

Kane jotije Saulo onyise gima Daudi nowacho,

1 Samuel 9:21

Saulo nodwoko niya, “Donge an ja-Benjamin, oganda matin ahinya ei Israel, to donge dhoodwa bende e dhoot matin, moloyo ei oganda mar Benjamin? Angʼo momiyo iwacho wechegi kuoma?”