1 Samuel 17:32 - Motingʼo Loko Manyien

³² Daudi nowachone Saulo niya, “Kik chuny ji nyosre nikech ja-Filistiani; jatichni biro dhi mondo oked kode.”

MUMA MALER 2015

³² Daudi nowacho ni Saulo niya, “Chuny ji kik nyosre nikech ja-Filistia cha. Abiro dhi kedo kode.”

1 Samuel 17:32 ပူးပေါင်းရင်းမြစ်များ

Zaburi 3:6

Ok abi luoro ji gana gi gana molwora mondo otimna marach.

Isaya 35:4

koneuru joma nigi chuny mool ni, “Beduru motegno kendo kik uluor; nimar Nyasachu biro biro, mondo ochul kuor ne wasiku, kaka owinjore kendo oresu.”

Isaya 7:4

Wachne ni, ‘Bed motangʼ, hori kendo kik iluor. Kik chunyi nyosre nikech osiki ariyo mag mach motimo iro, machal gi mirima mager mar Rezin kod Aram to gi mar wuod Remalia.

Kwan 13:30

Eka Kaleb nokwero ji mondo olingʼ e nyim Musa kendo nowacho niya, “Wadhiuru kendo wakaw pinyno, nimar wanyalo kawe.”

Kwan 14:9

Gima utim en ni kik ungʼanyne Jehova Nyasaye. Kik uluor jopinyno, nikech wabiro mwonyogi duto. Jarit mag-gi osea, to wan to Jehova Nyasaye nikodwa kendo kik uluorgi.”

Jo-Hibrania 12:12

Kuom mano jingʼuru bedeu mobengore gi chongeu monyosore.

Joshua 14:12

Koro miya piny manie godni mane Jehova Nyasaye nosingona odiechiengʼ cha. In iwuon ni iwinjo ni jo-Anak ni kanyo kendo miechgi madongo ne lach kendo ochiel gohinga makmana Jehova Nyasaye kokonya to abiro riembogi oko mana kaka nowacho.”

1 Samuel 14:6

Jonathan ne owacho ne wuowi matingʼo gige lwenje niya, “Bi mondo waidh wadhi e kambi joma ok oter nyangugi. Kamoro dipo ka Jehova Nyasaye nyalo tiyo kodwa. Onge gima nyalo tamo Jehova Nyasaye reso kata ka gin ji mangʼeny kata ka gin ji manok.”

1 Samuel 16:18

Achiel kuom jotich nodwoko niya, “Aseneno wuod Jesse moro ma ja-Bethlehem mongʼeyo goyo nyatiti. En ngʼat ma jachir bende en jalweny. Owuoyo maber kendo en jaber. To bende Jehova Nyasaye ni kode.”

1 Samuel 17:31

Gima Daudi nowacho nolandore mochopo ne Saulo eka Saulo noluonge.