1 Samuel 17:13 - Motingʼo Loko Manyien

¹³ Yawuot Jesse adek madongo noluwo Saulo e lweny. Wuowi maduongʼ ne en Eliab, mar ariyo ne Abinadab, to mar adek ne en Shama.

MUMA MALER 2015

¹³ Yawuote adek madongo nosedhi gi Saulo e lweny. Nying wuode makayo ne Eliab, to jalupne ne Abinadab, kod Shama, wuode mar adek.

1 Samuel 17:13 ပူးပေါင်းရင်းမြစ်များ

2 Samuel 13:3

Koro Amnon ne nigi osiepne miluongo ni Jonadab wuod Shimea, ma owadgi Daudi. Jonadab ne en ngʼat ma riekone richo.

2 Samuel 13:32

To Jonadab wuod Shimea ma owadgi Daudi, nowachone niya, “Ruodha kik par ni gisenego yawuot ruoth duto. En mana Amnon kende ema otho. Abisalom osebedo gi paroni e chunye chakre chiengʼ mane Amnon oterore gi nyamin-gi Tamar githuon.

2 Samuel 21:21

En bende kane ojaro jo-Israel to Jonathan wuod Shimea ma owadgi Daudi nonege.

1 Weche mag Ndalo 2:13

Jesse nonywolo Eliab, wuode makayo; wuode mar ariyo Abinadab, mar adek Shimea,

1 Samuel 17:28

Kane Eliab mowadgi Daudi maduongʼ, owinje ka owuoyo gi ji, mirima nomake kode mopenje niya, “Ibiro ka nangʼo? To rombe manok ka to iweyo gi ngʼa e thim? Angʼeyo ni in jangʼayi bende pachi richo, isebiro mana ni mondo ine kaka lweny dhi.”