1 Samuel 14:27 - Motingʼo Loko Manyien

²⁷ Jonathan to ne ok owinjo ni wuon ne ose kwero ji gi kwongʼ, omiyo nochwowo pedni mar kich gi luth mane ni e lwete. Notingʼo lwete malo motero mor kich e dhoge mi chunye ne odwogo.

MUMA MALER 2015

²⁷ To Jonathan ne ok owinjo ka wuon mare kwero ji gi kuong’. Emomiyo nochwowo pedni gi luth mane en go e lwete, moketo mor kich e dhoge, mi chunye nodwogo.

1 Samuel 14:27 ပူးပေါင်းရင်းမြစ်များ

Ngeche 24:13

Wuoda, cham mor kich, nimar ober; mor kich moa e pedni mar kich nigi ndhandhu mamit.

Ngeche 25:26

Mana kaka soko motimo chwodho kata aora moduwore chalo e kaka ngʼat makare machiwo thuolo ne jaricho.

1 Samuel 14:28

Eka achiel kuom jolweny nowachone niya, “Wuoru nokwero jolweny matek gi kwongʼ kowacho ni, ‘Okwongʼ ngʼama ochamo chiemo kawuono! Mano ema omiyo ji ool.’ ”

1 Samuel 14:29

Jonathan nowacho niya, “Wuora osekelo chandruok ne piny. Ne kaka koro Awinjo maber bangʼ bilo mor kich matin.

1 Samuel 14:43

Eka Saulo nowacho ni Jonathan niya, “Wachna gima isetimo.” Jonathan nowachone niya, “Ne abilo mor kich matin mane ni e dho ludha. Koro ochuno ni nyaka atho?”

1 Samuel 30:12

nus mar kek molos gi olemb ngʼowu to gi kek molos gi resin. Nochiemo ma chunye noduogo nikech noyudo pok ochiemo kata modho pi kuom odiechienge adek gi otieno bende.