1 Samuel 1:19 - Motingʼo Loko Manyien

¹⁹ Kinyne gokinyi negichungʼ mine gilemo e nyim Jehova Nyasaye eka negidok dalagi Rama. Elkana nobedo e achiel gi chiege ma Hana eka Jehova Nyasaye nopare.

MUMA MALER 2015

¹⁹ Ne gichiew gokinyi mang’ich, kendo kane giselemo e nyim Ruoth Nyasaye, ne gidok dalagi Rama. Elkana noriwore gi chiege ma Hana, mi Ruoth Nyasaye noparo Hana.

1 Samuel 1:19 ပူးပေါင်းရင်းမြစ်များ

Chakruok 21:1

Koro Jehova Nyasaye notimo ngʼwono ne Sara kaka nosewacho kendo Jehova Nyasaye nochopo kare singruok mane osenyiso Sara.

Chakruok 30:22

Eka Nyasaye noparo Rael, mi odwoko kwayone kendo ogwedhe gi nyathi.

Chakruok 4:1

Adam nobedo e achiel gi chiege Hawa kendo nomako ich mi nonywolo Kain mowacho niya, “Kuom ngʼwono mar Jehova Nyasaye asenywolo wuowi.”

Chakruok 8:1

To Nyasaye noparo Nowa gi le mag bungu kod jamni mane ni kode ei yie, kendo notugo yamo mokudho e piny mi pi nochako dwono.

2 Ruodhi 4:17

Dhakono nomako ich kendo kane ochopo higa machielo e kinde machal kamano, nonywolo wuowi mana kaka Elisha nowachone.

Zaburi 119:147

Achiewo kogwen ka piny pok oyawore kendo aywagora mondo ayud kony; aseketo genona e wachni.

Zaburi 136:23

ne En mane oparowa ka piny ochamowa, Herane osiko nyaka chiengʼ.

Zaburi 25:7

Kik ipar richo mane atimo kapod an rawere kod yorena mobam; para kaluwore gi herani, nikech iber, yaye Jehova Nyasaye.

Zaburi 5:3

Yie iwinj dwonda gokinyi, yaye Jehova Nyasaye; aketo kwayona e nyimi gokinyi, kendo arito dwoko ka an gi geno.

Zaburi 55:17

Odhiambo gi okinyi kod odiechiengʼ aywagora ka chunya lit, kendo owinjo dwonda.

Mariko 1:35

Kinyne kogwen ka piny pod olil, Yesu nochiewo mowuok e ot kama noninde. Nowuok modhi kar kende kama ochwalore, mi nolemo kuno.

Luka 23:42

Eka nowacho niya, “Yesu, para chiengʼ mibire gi pinyruodhi.”

Joshua 18:25

Mier mamoko ne gin: Gibeon, Rama, Beeroth,

1 Samuel 1:1

Ne nitie ngʼat moro mane odak Ramathaim Zuf e piny gode mag Efraim. Ngʼatno ne nyinge Elkana wuod Jeroham ma wuod Elihu wuod Tohu, wuod Zuf ma ja-Efraim.

1 Samuel 1:11

Kendo nokwongʼore kowacho niya, “Yaye Jehova Nyasaye Maratego ka inine masich jatichni kendo ipara ma wiyi ok owil gi jatichni ma imiye wuowi, eka anachiwe ne Jehova Nyasaye e ndalo duto mar ngimane, kendo wembe ok nolielgo wiye.”

1 Samuel 15:34

Eka Samuel nowuok modhi Rama, to Saulo bende nodok dalane Gibea.

1 Samuel 16:13

Omiyo Samuel nokawo tungʼne mar mo mine owire e nyim owetene kendo kochakore chiengʼno Roho mar Jehova Nyasaye nobiro kuom Daudi gi teko. Bangʼe Samuel to nodok Rama.

1 Samuel 19:18

Kane Daudi oseringo motony, ne odhi Rama ir Samuel mi onyise timbe duto ma Saulo osetimone. Eka en gi Samuel negidhi Nayoth ma gibet kuno.

1 Samuel 2:11

Eka Elkana nodok dalane Rama to wuowino noweyo katiyo e nyim Jehova Nyasaye e bwo Eli jadolo.

1 Samuel 25:1

Koro Samuel notho, kendo Israel duto nochokore moywage; mine giike e dalane Rama. Bangʼe Daudi nowuok molor piny e Thim Paran.

1 Samuel 7:17

To kinde duto ne odokga Rama, kuma dalane ne nitie, kanyo bende ne ongʼadoe bura ne jo-Israel. Ne ogero kendo mar misango ne Jehova Nyasaye kanyo.

1 Samuel 8:4

Omiyo jodong Israel noromo kamoro achiel mine gidhi ir Samuel Rama.

1 Samuel 9:26

Ne gichiewo ka piny yawore, eka Samuel noluongo Saulo ewi ot, kowachone niya, “Ikri abiro gonyi mondo ichak wuodhi.” Kane Saulo oseikore, en kod Samuel ne giwuok oko.