1 Ruodhi 9:25 - Motingʼo Loko Manyien

²⁵ Solomon ne timo misango miwangʼo pep gi misango mar lalruok nyadidek e higa ewi kendo mar misango mane ogero ni Jehova Nyasaye bende nowangʼo ubani e nyim Jehova Nyasaye mi nochopo dwaro mar hekalu.

MUMA MALER 2015

²⁵ Didek e higa, Solomonn ne timo misengni miwang’o pep, gi mag sawo e kendo-mar-misango ma nogero ni Ruoth Nyasaye, kowang’o ubani e nyim Ruoth Nyasaye. Kamano nochopo singruokne.

1 Ruodhi 9:25 ပူးပေါင်းရင်းမြစ်များ

1 Ruodhi 6:14

Omiyo Solomon nogero hekalu motieke.

1 Ruodhi 6:38

E higa mar apar gachiel e dwe mar Bul, dwe mar aboro hekalu notieki chutho kaka nochan ni onego gere. Notieko higni abiriyo kigere.

1 Ruodhi 6:9

Omiyo nogero hekalu motieko koume gi yiende kod bepe Sida.

1 Weche mag Ndalo 23:13

Yawuot Amram ne gin: Harun kod Musa. Harun gi nyikwaye to nowal nyaka chiengʼ mondo opwodh gik maler moloyo, kendo ochiw misango e nyim Jehova Nyasaye kendo mondo gitine kendo gigwedh ji e nyinge nyaka chiengʼ.

2 Weche mag Ndalo 29:11

Un yawuota kik koro ujwangʼe, nikech Jehova Nyasaye oseyierou mondo uchungʼ e nyime kendo utine kuwangʼone ubani.”

2 Weche mag Ndalo 34:25

Mirimba nosik kuom pinyni kendo ok norum nikech gisejwangʼa ka giwangʼo ubani ne nyiseche manono kendo ka gimiya mirima kuom lamo nyiseche mopa gi lwedo.’

2 Weche mag Ndalo 8:16

Tije Solomon duto notim kochakore chiengʼ manochakoe gero hekalu mar Jehova Nyasaye nyaka tiekne. Omiyo hekalu mar Jehova Nyasaye notiek gero.

Wuok 30:7

“Harun nyaka wangʼ ubani mangʼwe ngʼar e kendono mar misango okinyi kokinyi koiko teyni.

Wuok 34:23

Jou machwo duto nyaka chopi e nyim Jehova Nyasaye Manyalo Gik Moko Duto, ma Nyasach Israel nyadidek e higa.

Rapar mar Chik 16:16

Jou machwo duto nyaka chopi e nyim Jehova Nyasaye ma Nyasachu nyadidek e higa ka higa mondo otim sewni adekgo kama en owuon obiro yiero. Sewni adekgo gin Makati ma ok Oketie Thowi, Sawo mar Jumbe kod Sawo mar Kiche. Onge ngʼat manobi e nyim Jehova Nyasaye gi lwete nono.

Jong’ad Bura 11:40

higa ka higa mon matindo mag Israel nyaka dhi e got kuom ndalo angʼwen mondo otim rapar mar nyar Jeftha ma ja-Gilead.